Տեսանյութ.Նիկոլ Փաշինյանի այցի կապակցությամբ անվտանգության աշխատակիցները պաշարել են Գիտկոմի շենքը. գիտաշխատողին թույլ չեն տվել մեքենան կայանել շենքի բակում

NEWS.am-ի հետ զրույցում ֆիզիոլոգիայի ինստիտուտի գիտաշխատողներից մեկը պատմեց, որ առավոտյան անվտանգության աշխատակիցները իրեն թույլ չեն տվել ավտոմեքենան կայանել շենքի բակում:
«Աշխատանքի եմ գնացել ժամը 12:00-ի սահմաններում, Օրբելի փողոցի ողջ հատվածով ոստիկանական ավտոմեքենաներ էին կայանվել, մեծ թվով անվտանգության աշխատակիցներ կային: Երբ փորձեցի ներս մտնել, ասացին՝ չի թույլատրվում, ասացի՝ բայց ես այստեղ աշխատում եմ, ասացին՝ կանգնեցրեք ձեր մեքենան ինչ-որ մի տեղ ու եկեք աշխատանքի: Աբսուրդ է, մարդը հեռու տեղից գալիս է մեքենայով ու չի կարողանում մտնել իր աշխատավայր»։