Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս          Մարդը չի կարողացել անգամ արցախցիներին անվտանգ բենզին բաժանել, բայց հիմա խորհուրդ է տալիս Հայաստանին       Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ    

28 մար 2023 13:08

Մի կերպար կա, որը նստած է Ամերիկայում, նրա արած հայտարարությունների ֆոնի վրա է հարուցվել այս քրեական գործը

ՀՀ նախկին ոստիկանապետ Վլադիմիր Գասպարյանը բացարձակապես չի ընդունում իրեն առաջադրված մեղադրանքը։ Նա այդ մասին հայտարարեց դատարանում, երբ դատախազն ընթերցեց մեղադրական եզրակացությունը։
 
Մեղադրական եզրակացության համաձայն` Գասպարյանը պաշտոնավարման տարիներին չարաշահել է պաշտոնեական լիազորությունները` անձնական շահագրգռվածությունից ելնելով, որն առաջացրել է ծանր հետևանքներ։
 
Գասպարյանը, անդրադառնալով մեղադրանքում նաև դստեր ներգրավվածությանը, նշեց, որ դա արվել է քրգործին «միս ու արյուն» տալու և գործն ավելի ցայտուն դարձնելու համար։
Ըստ նախկին փոխոստիկանապետի` իրեն մեղադրանք է առաջադրվել մեկ անձի հայտարարությունների հիման վրա։
 
«Մի կերպար կա, որը նստած է Ամերիկայում, վարկաբեկում է բոլորին այս երկրում, դա Վարդան Ղուկասյան երևույթն է` «Դոգ» մականունով, որը եղել է մեր աշխատողը։ Այ նրա արած հայտարարությունների ֆոնի վրա է հարուցվել այս քրեական գործը»,– ընդգծեց Գասպարյանը։
Հիշեցնենք` ՀՔԾ–ում քննվող բազմադրվագ քրգործով կատարված նախաքննության ընթացքում բացահայտվել են ոստիկանության նախկին բարձրաստիճան պաշտոնատար անձանց, այդ թվում` Վլադիմիր Գասպարյանի և Լևոն Երանոսյանի կողմից կատարված պաշտոնեական դիրքի չարաշահման, պաշտոնեական կեղծիքի և պետական միջոցներից խոշոր չափերի հափշտակության դեպքեր։ Դրանց հետևանքով պետությանը պատճառվել է շուրջ 114 մլն դրամի վնաս:

Մեկնաբանություններ


Համընկնող լուրեր