Տեսանյութ.«Զզվցրիք, արա՛, դավայ, գնացեք հա՞, ըստեղից, դուք էլ ձեր..»․ Վլադիմիր Գասպարյանը հայհոյանքներ է հնչեցրել, կոպիտ խոսել լրագրողների հետ
Ոստիկանության նախկին պետ Վլադիմիր Գասպարյանը Հակակոռուպցիոն դատարանի դիմաց այսօր լրագրողների հարցերին հրաժարվել է պատասխանել, նաև կոպիտ խոսքեր ասել նրանց մասին։«Դուք գիտեք, որ Ձեզ պատ են մեղադրում տարբեր բաների մեջ...»,-ասել է լրագրողը։
Դրան ի պատասխան Վ. Գասպարյանը նշել է. «Գլուխները պատին են տալիս։ Դավայ, գնացեք հա՞, ըստեղից։ Ձեզ էլ մեղադրում են անկախ հարցեր տալու համար։ Գնացեք, թողեք ես անցնեմ։ Դուք էլ Ձեր...»։
Iravaban.net-ի լրագրողի փոխանցմամբ, նա մեկ անգամ էլ ձեռքով ուժեղ հարվածել է դատարանի մուտքի դռանը։ Դատական կարգադրիչի` զննում անցնելու վերաբերյալ դիտարկմանը Գասպարյանը նույնպես կոպիտ է արձագանքել ու առանց կարգադրիչի պահանջին ենթարկվելու՝ մտել նիստերի դահլիճ։
