Ռուսաստանը չափազանց մեծ պետություն է,ուժեղ պետություն՝ զիջելու իր դիրքերը, նրա հետ չի կարելի այդպես վարվել
Արևմտյան երկրները Ռուսաստանի Դաշնության նկատմամբ իրենց վերաբերմունքով ստիպեցին նրան Ուկրաինայում սկսել հատուկ ռազմական գործողություն. Ռուսաստանի հետ չի կարելի այդպես վարվել, ասել է ՌԴ նախագահի մամուլի քարտուղար Դմիտրի Պեսկովը՝ սերբական ATV հեռուստաալիքին տված հարցազրույցում, փոխանցում է ՏԱՍՍ-ը:«Արևմուտքի՝ Ռուսաստանի Դաշնության հետ կապված այս բոլոր սխալները միասին հանգեցրին նրան, որ Պուտինը որոշեց սկսել հատուկ ռազմական գործողություն։ Ռուսաստանը չափազանց մեծ պետություն է, որպեսզի իր հետ այդպես վարվեն։ Ռուսաստանը չափազանց մեծ պետություն է, ուժեղ պետություն՝ զիջելու իր դիրքերը»,- ասել է Կրեմլի խոսնակը։
Նա ընդգծել է, որ «2014 թվականին Ուկրաինայում հեղաշրջում իրականացրել են հենց Արևմուտքի երկրները»։
«Եվրոպայի սրտում նրանք զինված հեղաշրջում արեցին, արեցին արևմտյան երկրները, եթե մոռացել են, մենք ամեն անգամ հիշեցնում ենք, թե ինչպես էր Վիկտորյա Նուլանդը կարկանդակներ բաժանում Մայդանում, ինչպես են այնտեղ ժամանել Ֆրանսիայի, Գերմանիայի և Լեհաստանի արտգործնախարարները, որոնք փաստաթուղթ են ստորագրել Ուկրաինայի այն ժամանակվա նախագահ Յանուկովիչի հետ և խախտել իրենց երաշխիքները: Սրանք մարդիկ են, որոնք այժմ ողջ են»,- շարունակել է Պեսկովը։
Նա հիշեցրել է, որ խոսքը հենց այն երկրների մասին է, որոնք «ութ տարի աչք փակեցին, երբ Կիևի ռեժիմը տանկեր, զենք օգտագործեց սեփական ժողովրդի դեմ, երբ Կիևի ռեժիմը հեղաշրջման դեմ հանդես եկողներին անվանեց անջատողականներ, կրակեց նրանց վրա, սպանեց»։
«Սրանք հենց այն երկրներն են, որոնք հրաժարվեցին մեկ անգամ դատապարտող խոսք ասել Կիևի ռեժիմի դեմ»,- հավելել է նա։
