Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ          Պարզվել է վանաձորցի 20-ամյա հղի կնոջ մահվան պատճառը       Օդի ջերմաստիճանը աստիճանաբար կբարձրանա 8-10 աստիճանով. եղանակն առաջիկա օրերին    

15 մայիս 2023 15:10

Ադրբեջանին գործնականում չի պարտադրվում նահանջել ՀՀ այն տարածքներից, որոնք օկուպացրել է 2021-2022թթ-ին, ինչը ենթադրում է, որ ՀՀ-ի 29.000 հազար 800 ք. կմ տարածքը պայմանական է

Քաղաքագետ Սուրեն Սուրենյանցը ֆեյսբուքյան իր էջում գրում է. «Բրյուսելյան բանակցությունների մասին
● Հայաստանն ու Ադրբեջանը դեռևս 2022թ-ի հոկտեմբերի 6-ի քառակողմ հայտարարությամբ են ճանաչել միմյանց տարածքային ամբողջականությունը: Այս անգամ Միշելը հատուկ նշել է Հայաստանի 29 հազար 800 և Ադրբեջանի 86 հազար 600 քառակուսի կմ-ը՝ ընդգծելու համար, որ Ադրբեջանի տարածքային ամբողջականությունը ճանաչվում է՝ ԼՂ-ով հանդերձ,
● ԼՂ ադրբեջանական պատկանելության ամրագրումն անակնկալ չէ, սա բխում է 44-օրյա պատերազմի արդյունքից կամ հետևանք է Հայաստանի պարտության: Խնդիրը ոչ թե Ադրբեջանի տարածքային ամբողջականության ճանաչումն է, այլ այն, որ դրա դիմաց Նիկոլ Փաշինյանը ոչ անցած տարի, ոչ էլ հիմա չի պահանջել փաստաթղթավորված երաշխիքներ ԼՂ սուբեկտության կամ քաղաքական ինքնավարության համար: Միշելի երեկվա խոսքի այս հատվածը լղոզված էր, ինչը հուշում է, որ ԼՂ ժողովրդի համար անվտանգության կոնկրետ մեխանիզմներ մշակված չեն,
● 1991 թվականի Ալմա Աթայի հռչակագիրը օրակարգ է բերելու, այսպես կոչված, անկլավների հարցը, որն անվտանգային նոր սպառնալիքներ է ստեղծելու Հայաստանի համար,
● Ադրբեջանին գործնականում չի պարտադրվում նահանջել ՀՀ այն տարածքներից, որոնք նա օկուպացրել է 2021-2022թթ-ին, ինչը ենթադրում է, որ Հայաստանի 29 հազար 800 քառակուսի կմ տարածքը պայմանական է,
● Թույլ լավատեսություն կա գերիների ու դեպի Նախիջևան երկաթուղու վերաբացման հարցերի շուրջ, բայց դարձյալ չկան հստակ երաշխիքներ»:


Մեկնաբանություններ


Համընկնող լուրեր