Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

15 մայիս 2023 16:30

Այն, ինչ որ մերն է, մերն է...Այսօր Արցախը երևի աշխարհի ամենաանկախ պետությունն է՝ մոտակա ևս 3-4 տարին էլ

Բանակն ամեն օր ինչքան էլ չցանկացողներ լինեն, ցույց է տալիս, որ ամեն օր ինչ-որ մի բան ավելացնում է իր ծառայության ընթացքում: Այն, ինչը որ մերն է՝ մերն է, նույնիսկ ժամանակավոր անհաջողությունները բոլորը ժամանակավոր են: Այս մասին այսօր լրագրողների հետ զրույցում ասաց ՔՊ խմբակցության պատգամավոր Անդրանիկ Քոչարյանը:

Անդրադառնալով գերիների խնդրին՝ Քոչարյանն ասաց. «Գերիների հարցն այսպես թե այնպես լուծվում է բոլոր եղանակներով, նույնիսկ անտեսանելի, պետությունն ունի այլ գործիքներ, որպեսզի այդ խնդիրը վերջին հաշվով լուծի: Մնում է օր առաջ նրանց անմարդկային պայմաններում գտնվելու հարցը լուծում ստանա միջազգային կառույցների աջակցությամբ»:

Խոսելով հայկական և ադրբեջանական զորքերի կողմից սահմանին արձանագրված խախտումների մասին՝ Քոչարյանն ընդգծեց. «Հայկական զորքերը գտնվում են այնտեղ, որտեղ պետք է այս պահին գտնվեն, ադրբեջանական զորքերը խախտել են Հայաստանի ինքնիշխան տարածքը և նորից եմ կրկնում՝ այն, ինչ որ մերն է, մերն է, վաղ թե ուշ ամեն ինչ պետք է գա հագնի այն իրողության հետ, որ եթե ճանաչում եք մեր սահմանները, ուրեմն այդ սահմաններն անձեռնմխելի են և դրա հիմնական գրավականը լինելու է մեր ԶՈՒ-ն»:

Մեկնաբանություններ


Համընկնող լուրեր