Ադրբեջանը նոր սադրանք է հրահրում,նորանոր էսկալացիաների համար մեդիա տիրույթում հող են նախապատրաստում
Ռեգիոն տելեգրամյան հարթակը գրում էԱդրբեջանը նոր սադրանք է հրահրում
Ինչպես միշտ` ադրբեջանական կողմը սադրանքներից առաջ, օգտագործելով նաև հին կադրեր, ապատեղեկատվական արտահոսքեր է սկսել տարածել` իբր հայկական զինտեխնիկայի և հայկական զինուժի տեղաշարժի մասին...
Հակահայկական ապատեղեկատվություն սփռող ադրբեջանական ալիքները երեկ սպառնացել են` Արցախում հայկական զինված ուժերի և ռազմական ինֆրաստրուկտուրաների ոչնչացումը էթնիկական զտում չէ, իսկ Ադրբեջանի պաշտպանության նախարար Զաքիր Հասանովը ծառայողական խորհրդակցության ժամանակ ցուցումներ է տվել` կոշտ արձագանքման միջոցներ ձեռնարկել հնարավոր զինված միջադեպերին, այնուհետև ադրբեջանական կայքերով սպառնալիքներով փաթեթավորած հերթական ապատեղեկատվություններն են տարածվել։
Ակնհայտ է, ար անգամ Բրյուսելում հնչած Ադրբեջանի տարածքային ամբողջականության ճանաչման մասին հայտարարությունը ոչ մի կերպ չի կաշկանդում ադրբեջանական կողմին և նորանոր էսկալացիաների համար մեդիա տիրույթում հող են նախապատրաստում։
