Հայաստանին զենք ոչ մեկ չի վաճառում...Մի հատ էլ Welcomе պլակատ վերցրու ու այդպես կանչի թշնամիներին, որ հարձակվի
«Փաշինյանի՝ կադաստրի հետ կապված երեկվա ցնդաբանությունը կարող է հետագայում թշնամական տարամադրվածություն ունեցող հարևան երկրների կողմից օգտագործվել, որպեսզի կեղծ հիմնավորեն իրենց ապօրինի ագրեսիան»,- լրագրողների հետ հանդիպմանն ասաց ԱԺ «Պատիվ ունեմ» խմբակցության ղեկավար Հայկ Մամիջանյանը։Նա ավելի բաց տեքսով բացատրեց. «Երբ որ մեր թշնամիներից որևէ մեկը մեր տղերքի վրա կրակի, ապօրինաբար ագրեսիա անի, հիմնավորելու է իր այդ ցնդաբանությամբ»։
«Հայաստանի կառավարիչը Ազգային ժողովի ամբիոնից վերջին շրջանում ասել է, որ Հայաստանին զենք ոչ մեկ չի վաճառում, Հայաստանը որևէ միջազգային կերպով ճանաչված սահմաններ կամ ինչպես ինքն է ասում կադաստրի վկայական չունի, որ մնացել է միայնակ, բողոքում է ՀԱՊԿ-ը ոչինչ չի անում և այլն։
Այդպես լավ չի, մի հատ Welcomе պլակատ վերցրու ու այդպես կանչի թշնամիներին, որ հարձակվի։ Ահա թե ինչ է արել ինքը երեկ ի թիվս շատ այլ բաների»,- ասաց Հայկ Մամիջանյանը։
