Ձերբակալել են Ադրբեջանում ահաբեկչություն ծրագրած քաղաքացուն
Ադրբեջանի պետական անվտանգության ծառայությունը երկուշաբթի հայտարարել է, որ ձերբակալվել է Աֆղանստանի մի քաղաքացի, որը երկրում ահաբեկչություն էր ծրագրում։ Այս մասին հայտնում է ՏԱՍՍ-ը։«Պարզվել է, որ Աֆղանստանի քաղաքացի, 1990 թվականին ծնված Ֆավզան Մուսա Խանը, նախնական դավադրության մեջ մտնելով այլ անձանց հետ, ծրագրել է ահաբեկչություն իրականացնել Ադրբեջանի տարածքում՝ երկրում սոցիալական կայունությունը խաթարելու, բնակչության շրջանում խուճապ առաջացնելու և պետական մարմինների և միջազգային կազմակերպությունների որոշումների կայացման վրա ազդելու նպատակով»,- ասված է նախարարության հաղորդագրության մեջ։
