Կիևը շարունակելու է գրոհել բռնակցված Ղրիմը և Ղրիմի կամուրջը, կփրկենք ուկրաինացիների կյանքը
Ուկրաինայի պաշտպանության նախարար Ալեքսեյ Ռեզնիկովը CNN-ին տված հարցազրույցում հասկացրել է, որ Կիևը շարունակելու է գրոհել բռնակցված Ղրիմը և Ղրիմի կամուրջը։«Այդ բոլոր թիրախները պաշտոնական են, քանի որ (դրանց ուղղությամբ հարվածները) կնվազեցնեն ռուսների՝ մեր դեմ կռվելու կարողությունը և կօգնեն փրկել ուկրաինացիների կյանքը»,- ասել է Ռեզնիկովը՝ խոսելով անօդաչուներով Ղրիմի վերջին գրոհների մասին։
Լրագրողի հարցին՝ Ուկրաինան արդյոք իր առջև նպատակ է դնում ընդմի՞շտ շարքից հանել Ղրիմի կամուրջը, Ռեզնիկովը պատասխանել է. «Դա նորմալ մարտավարություն է. ոչնչացնել թշնամու լոգիստիկ երթուղիները՝ կասեցնելու համար ավելի շատ զինամթերք, վառելիք, պարեն և այլն ստանալու նրա հնարավորությունները: Ուստի մենք այս մարտավարությունը կկիրառենք նրանց դեմ»։
Միաժամանակ նա խոստովանել է, որ Ուկրաինայի հակահարձակումը դանդաղ է ընթանում և հետ է մնում ժամանակացույցից։
Աղբյուրը հիշեցնում է, որ Ռուսաստանն օրերս հրթիռային հարվածներ է հասցրել Ուկրաինայի հարավային Օդեսա քաղաքին և հարակից շրջաններին, իսկ Ուկրաինան շարունակում է հարվածներ հասցնել Ղրիմի ներսում: Երեքշաբթի ուկրաինական անօդաչու թռչող սարքերը հարվածել են Ղրիմում զինամթերքի պահեստին, Կերչի կամրջին։
Աղբյուրը հիշեցնում է, որ Ռուսաստանն օրերս հրթիռային հարվածներ է հասցրել Ուկրաինայի հարավային Օդեսա քաղաքին և հարակից շրջաններին, իսկ Ուկրաինան շարունակում է հարվածներ հասցնել Ղրիմի ներսում: Երեքշաբթի ուկրաինական անօդաչու թռչող սարքերը հարվածել են Ղրիմում զինամթերքի պահեստին, Կերչի կամրջին։
Ավելի վաղ Ուկրաինայի նախագահ Վլադիմիր Զելենսկին հայտարարել էր, որ Ղրիմի կամուրջը համարում է ուկրաինացի զինվորականների համար նպատակ։
Հարցազրույցի ժամանակ Ռեզնիկովին նաև հարցրել են, թե Ուկրաինան պատրաստվո՞ւմ է արդյոք հարվածներ հասցնել ռուսական նավերին Սև ծովում՝ ի պատասխան Օդեսայի հրթիռակոծման։ Նախարարը պատասխանել է, որ Ուկրաինան ունի նման հնարավորություն՝ հիշեցնելով «Մոսկվա» հածանավը։ «Եթե մեզ սպառնան Սև ծովում, մեզ անհրաժեշտ կլինի պատասխանել»,- հավելել է նա։
