Մոսկվայի վրա նոր գրոհ դրոններով. անօդաչուների հարձակման պատճառով ժամանակավորապես դադարեցրել է աշխատանքը «Վնուկովո» օդանավակայանը
Օգոստոսի լույս 1-ի գիշերը մի քանի անօդաչունել են թռչել Մոսկվայի վրայով, սակայն խոցվել են ՀՕՊ միջոցներով, հայտնել է քաղաքի քաղաքապետ Սերգեյ Սոբյանինը։Մեկ անօդաչու ընկել է «Մոսկվա-Սիթի»-ի շենքի աշտարակի վրա, որը հարձակման էր ենթարկվել նաև հուլիսի 30-ի գիշերը։ Արդյունքում վնասվել է աշտարակի 21-րդ հարկի ճակատային հատվածը, կոտրվել են 150 քմ մակերեսով ապակիներ։ Տուժածներ չկան։
Ռուսաստանի Դաշնության պաշտպանության նախարարությունը հայտարարել է, որ խափանվել է «Կիևի ռեժիմի կողմից անօդաչու թռչող սարքերով ահաբեկչական հարձակման փորձը Մոսկվայի և Մոսկվայի մարզի օբյեկտների վրա»։
Գերատեսչության տվյալներով՝ գրոհին ընդհանուր առմամբ մասնակցել է երեք ուկրաինական անօդաչու։ Նրանցից երկուսը խոցվել են ՀՕՊ-ի կողմից, երրորդը ռադիոէլեկտրոնային պայքարի միջոցներով կորցրել է կառավարումը և «կործանվել «Մոսկվա-Սիթի» ոչ բնակելի շենքերի համալիրի տարածքում»։
ՏԱՍՍ-ի տվյալներով՝ դրոնն ընկել է կառավարական «IQ թաղամասի» բարձրահարկի վրա, որտեղ տեղակայված են ՌԴ թվային զարգացման, տնտեսական զարգացման և արդյունաբերության ու առևտրի նախարարության գրասենյակները։
«Մոսկվա-Սիթի» աշտարակի վրա ընկած անօդաչուի բեկորները հայտնաբերվել են, դրանք ուղարկվելու են պայթուցիկա-տեխնիկական փորձաքննության, հայտնել են քաղաքի արտակարգ ծառայությունները։
Մոսկվայում անօդաչուների հարձակման պատճառով ժամանակավորապես դադարեցրել է աշխատանքը «Վնուկովո» օդանավակայանը։
