Հայաստանի համար վատթարագույնը կարող է լինել թուրքական զորքերի մուտքը Երևանի մատույցներ
Ի. Ալիևի լկտի հակահայական հայտարարություններն ու գործողությունները շարունակվելու են այնքան ժամանակ, քանի դեռ ՀՀ-ն բանակցություններում ներկայացնում է Հայաստանի ու Արցախի շահը անտեսող Ն. Փաշինյանը և իր ռեժիմը: «ՓաստԻնֆոյի» եթերում ասել է ՀՀԿ գործադիր մարմնի անդամ Էդուարդ Շարմազանովը:Բանախոսի դիտարկմամբ, մենք չգիտենք՝ Ն. Փաշինյանը և Ի. Ալիևը ի՞նչ պայմանավորվածություն ունեն: Հայաստանի համար վատթարագույնը կարող է լինել թուրքական զորքերի մուտքը Երևանի մատույցներ: Ն. Փաշինյանը հրաժարվել է Ռուսաստանից՝ հօգուտ Թուրքիայի: 2018թ. սեպտեմբերին Ջ. Բոլթոնը Ն. Փաշինյանի հետ հանդիպումից հետո ասեց, որ հայ ժողովուրդը պետք է հրաժարվի իր պատմական կաղապարներից՝ Արցախի ինքնորոշման իրավունք և Արցախի չլինել Ադրբեջանի կազմում, Հայոց ցեղասպանության միջազգային դատապարտում և թուրքական ժխտողականության դեմ պայքար, հայ ավանդական արժեքներ և հայ եկեղեցու բացառիկ իրավունքներ, հայ-ռուսական դաշնակցային հարաբերություններ. չորսն էլ քանդվում են, դրա համար է Ն. Փաշինյանը բերվել իշխանության: Եվ վերջում, փոխել Հայաստանի արտաքին քաղաքական վեկտորը Ռուսաստանից դեպի Թուրքիա: Ն. Փաշինյանը գտնում է, որ Հայաստանը պետք է դառնա թուրքական աշխարհի մաս: Թուրքական էքսպանսիան Հայաստանում այլևս սկսված է, և դրան կարող է խոչընդոտել Աստված ու ազգային համախմբումը:
Անդրադառնալով միջազգային դերակատարներին, Է. Շարմազանովը նշեց. «Երբ միջազգային դերակատարները իրենց անգործությունը փորձում են քողարկել միայն Նիկոլով՝ ճիշտ չէ: Այստեղ և՛ Ռուսաստանը անելիք ունի, և՛ Միացյալ նահանգները, և՛ Ֆրանսիան, որպես համանախագահ երկրներ, որպես երկրներ, որոնք 2009-2013թթ. արել են 5 հայտարարություն, որտեղ նշված է Արցախի ժողովրդի ինքնորոշման իրավունքի պարտադիր իրացումը: Ինչի ինքնորոշման իրավունքը միայն Կոսովոյի ու Ղրիմի համա՞ր է: Հայ ժողովրդին պետք չէ լոխի տեղ դնել»:
