Ռուսական զորքերի հրամանատարությունը հրաժարվել է ուղեկցել երթը դեպի Հաքարի կամուրջ
Ռուս խաղաղապահ զորքերի հրամանատարությունը մերժել է արցախցիների խաղաղ երթն ուղեկցելու առաջարկը. Արցախում ռուսական խաղաղապահ զորախմբի հրամանատարի տեղակալ Սազոնովի ստորագրությամբ պատասխան նամակում նշվում է, որ նոյեմբերի 9-ի հայտարարությունը խաղաղապահների կողմից նման գործողություններ չի նախատեսում։Միջանցքի ապաշրջափակման ժողովրդական շարժման շտաբի ներկայացուցիչ Արթուր Օսիպյանը կարծում է, որ «խաղաղապահների կողմից խաղաղ երթն ուղեկցելուց հրաժարվելը նշանակում է, որ խաղաղապահները հրաժարվում են կատարել իրենց պարտավորությունները, խախտում են նոյեմբերի 9-ի հայտարարությունը և, փաստորեն, Ադրբեջանի ղեկավարության հետ միասին շրջափակում են Լեռնային Ղարաբաղը։ Միջազգային խաղաղապահների ներգրավման խնդիրն էլ ավելի արդիական ու անհրաժեշտ է դառնում»։
Խաղաղապահ զորքերը, փաստորեն, հրաժարվել են ուղեկցել շտաբի նախաձեռնած խաղաղ երթը դեպի Հաքարի կամուրջ, քանի որ «դա նախատեսված չէ նոյեմբերի 9-ի հայտարարությամբ»։
Սազոնովը նաև նշում է, որ ռուս խաղաղապահները մտադիր չեն խաղաղ գործողության քողի տակ գրոհել ադրբեջանական դիրքերը, ինչպես գրում է ադրբեջանական մամուլը։
Ռուս սպան վկայակոչում է նոյեմբերի 9-ի հայտարարությունը՝ չնշելով, որ, ըստ այս հայտարարության, Բերձորի միջանցքի հսկողությունը եւ անխոչընդոտ շարժը պետք է իրականացնեն ռուսական խաղաղապահ զորքերը։
Սազոնովը նաև նշում է, որ ռուս խաղաղապահները մտադիր չեն խաղաղ գործողության քողի տակ գրոհել ադրբեջանական դիրքերը, ինչպես գրում է ադրբեջանական մամուլը։
Ռուս սպան վկայակոչում է նոյեմբերի 9-ի հայտարարությունը՝ չնշելով, որ, ըստ այս հայտարարության, Բերձորի միջանցքի հսկողությունը եւ անխոչընդոտ շարժը պետք է իրականացնեն ռուսական խաղաղապահ զորքերը։
