Պուտինը կթաղի բոլորին.Կրեմլի խնդիրն է հաղթահարել Պրիգոժինի և «Վագներ»-ի կողմնակիցների զայրույթը․ WP-ի անդրադարձը
Ռուսները վերջին օրերին ժամանակավոր հուշարձաններ են կանգնեցրել մոտ երկու տասնյակ քաղաքներում՝ ենթադրելով, որ «Վագներ» ՌՄԿ-ի ղեկավար Եվգենի Պրիգոժինի ժողովրդականությունը մարտահրավեր է դառնում Ռուսաստանի նախագահ Վլադիմիր Պուտինի համար՝ պատերազմի վարման շուրջ ռուսական էլիտայի և զինվորականների միջև տարաձայնությունների ֆոնին:Այս մասին ասվում է The Washington Post-ի նյութում։ Ամերիկյան հրատարակությունը նշում է, որ «Վագներ»-ի բարձրաստիճան ղեկավարները մահացել են առեղծվածային ավիավթարի հետևանքով՝ ճիշտ երկու ամիս անց այն բանից հետո, երբ ՌԴ նախագահը Պրիգոժինին անվանել է «դավաճան»՝ ռուսական բանակի դեմ ապստամբելու համար։ Հուշարձանները ցույց տվեցին ամբողջ Ռուսաստանում Պրիգոժինին աջակցության մասին և ընդգծեցին Կրեմլի մարտահրավերը՝ հաղթահարելու նրա կողմնակիցների հնարավոր զայրույթը: Ռուս վերլուծաբան և անկախ լրագրող Դմիտրի Կոլեզևը WP-ի նյութում կարծիք է հայտնել, թե Կրեմլի խնդիրն է հաղթահարել Պրիգոժինի և «Վագներ»-ի կողմնակիցների զայրույթը, մասնավորապես՝ սպաների շրջանում:
«…Ռազմական ակտիվիստների, «Վագներ» ՌՄԿ-ի և «Վագներ»-ի վետերանների կողմնակիցների ավելի լայն լսարան կա, որոնցում առկա է Պրիգոժինի պաշտամունքը: Պուտինը պետք է թույլ չտա, որ այդ մարդիկ դառնան իր հակառակորդները և ետ պահի նրանց հնարավոր արմատական գործողություններից, հարգանքի տուրք մատուցելով Պրիգոժինին և առաջարկելով նրա մահվան այլընտրանքային տարբերակ»,- ասել է լրագրողը։ Այդ իսկ պատճառով ավիավթարից մեկ օր անց Պուտինը գովել է Պրիգոժինին՝ որպես «տաղանդավոր անձնավորության», որը «հասել է անհրաժեշտ արդյունքների», բայց «սխալվել է», գրում է հոդվածի հեղինակ Ռոբին Դիքսոնը։ «Պրիգոժինը սիրեց իրեն ժողովրդին, որովհետև «պաշտպանեց նրանց անզիջում ռազմական բյուրոկրատներից», չնայած «Վագներ»-ի շրջանում բազմաթիվ մարդկային դաժան կորուստներին», – նշում է թերթը: Պատերազմի ժամանակ Պրիգոժինի ժողովրդականությունը մեծացավ ռազմաճակատից հրապարակված սուր տեսանյութերի շնորհիվ։ Նա շատերի համար դարձավ «վստահելի ճշմարտախոս, այն սակավաթիվ նշանավոր գործիչներից մեկը, որը պատրաստ էր բացահայտել ռազմական ձախողումները և մեծ կորուստները», ընդգծում է WP-ն։
Ըստ պարբերականի, Պրիգոժինը ցույց է տվել Բախմուտում զոհված «վագներականների» տասնյակ դիակներ, անպարկեշտ արտահայտություններ է արել ՌԴ պաշտպանության նախարար Սերգեյ Շոյգուի և Գլխավոր շտաբի պետ Վալերի Գերասիմովի հասցեին՝ մեղադրելով նրանց դավաճանության մեջ և ավելի շատ զինամթերք պահանջելով։
Վերջին օրերին խմբակային զրույցներում «Վագներ» ՌՄԿ-ի զինյալների ընտանիքները իրենց վիշտն ու նվիրվածություն են արտահայտել Պրիգոժինի նկատմամբ, միաժամանակ անհանգստանալով, թե արդյո՞ք նրանք կստանան պատշաճ վճարումներ և նպաստներ։ Արևմտյան վերլուծաբանները պնդում են, որ Տվերի մարզում տեղի ունեցած օդային աղետի իրական պատճառը կարող է երբեք հայտնի չլինել՝ հաշվի առնելով Ռուսաստանի քաղաքականացված քննչական համակարգը:
Ռուսական պետական և կրեմլամետ լրատվամիջոցները կենտրոնացել են վթարի պաշտոնական հետաքննության վրա՝ ենթադրելով, որ ուկրաինացի դիվերսանտները կամ օտարերկրյա հետախուզական գործակալները խոցել են ինքնաթիռը, ասվում է ամերիկյան հրատարակության հոդվածում։
