«Լավ են արել, մի հատ հաշվեք, թե քանի շիշ է գլխիս ընկել». Ոստիկանապետը՝ լուսաձայնային նռնակներ կիրառելու մասին          Ոստիկանությունն անցավ հատուկ միջոցների․ կիրառվում են լուսաձայնայն նռնակներ       Ինչո՞ւ են Մոսկվան և Արևմուտքը հեռու մնում հայաստանյան իրադարձություններից. չբացահայտված ինչ-որ արտաքին ո՞ւժ է ազդել այս իրադարձությունների վրա    

06 սեպ 2023 12:17

Ի՞նչ է նշանակում Բաքվին առանձին- առանձին առաջարկություններ ներկայացնելը.ԼՂ-ն «խուրդվում» է նաև Ստեփանակերտի էլիտայի անպատասխանատու վարքագծի հետևանքով

«Դեմոկրատական այլընտրանք» կուսակցության քաղաքական խորհրդի նախագահ, քաղաքագետ Սուրեն Սուրենյանցը գրում է.


«Ի՞նչ է նշանակում Բաքվին առանձին- առանձին առաջարկություններ ներկայացնելը


Սամվել Բաբայանը հաստատում է, որ Արցախում ստեղծված հումանիտար ճգնաժամի հաղթահարման առաջարկներ է ներկայացրել Ադրբեջանին, բայց չի մանրամասնում՝ ո՞ւմ, ի՞նչ խողովակներով և ի՞նչ արձագանք է ստացել։


Երբ ասում եմ՝ ԼՂ-ն վաղուց կորցրել է իր սուբեկտությունը, հենց նման իրավիճակը նկատի ունեմ:
Մինչև վերջերս Արցախի էլիտայի տարբեր ներկայացուցիչներ սեպարատ աշխատում էին ռուսական խաղաղապահ առաքելության հրամանատարության հետ՝ պայքարելով, այսպես ասած, գեներալ- գուբերնատորի կարգավիճակի հետ:


Հիմա փաստորեն սկսվել է Ադրբեջանի հետ «ինտեգրման» կուրսը: Բաբայանի «բացահայտումից» պարզ է դառնում, որ Ստեփանակերտում փաստացի գոյություն չունի իշխանություն(ինչը սուբեկտության հիմնական հատկանիշներից մեկն է) ու ԼՂ էլիտայի տարբեր սուբյեկտներ «յուրովի» «ինտեգրվում» են Ադրբեջանին:


Ես որևէ մեկին մեղադրելու ցանկություն չունեմ, փաստն եմ արձանագրում, որը թերևս ստեղծված ծանր վիճակի արձանագրումն է:


ԼՂ-ն «խուրդվում» է ոչ միայն Ալիևի ագրեսիվ քաղաքականության, Փաշինյանի «հետևողական» քաղաքականության, այլ նաև Ստեփանակերտի էլիտայի անպատասխանատու վարքագծի հետևանքով:


Ի՞նչ է նշանակում Բաքվին առանձին- առանձին առաջարկություններ ներկայացնելը: Բաքվի հետ խոսել պետք է ու անպայման, բայց դա պետք է անել պաշտոնական Ստեփանակերտի խողովակներով, եթե, իհարկե, Արցախի էլիտան գիտակցում է գոնե նվազագույն սուբեկտության կարևորությունը»։


Մեկնաբանություններ


Համընկնող լուրեր