Կառավարությունը փախստական կճանաչի ԼՂ-ից բռնի տեղահանված անձանց,որոնք կօգտվեն փախստականների համար օրենքով և միջազգային կոնվենցիաներով նախատեսված իրավունքներից
Կառավարությունն այսօր որոշում ընդունեց ԼՂ-ից բռնի տեղահանված անձանց ժամանակավոր պաշտպանության տակ վերցնելու, հաստատվեց ժամանակավոր պաշտպանություն ստացած փախստականի անձը հաստատող փաստաթղթի նկարագիրը և դրա տրամադրման կարգը:Նախագծով առաջարկվում է ժամանակավոր պաշտպանության տակ վերցնել՝ Լեռնային Ղարաբաղի բնակչության ռեգիստրի հաշվառումներով անցնող անձանց, ՀՀ տարածքում կամ ՀՀ-ից դուրս գտնվող այն անձանց, որոնց վերջին հաշվառման հասցեն եղել է Լեռնային Ղարաբաղը, այն անձանց, որոնք չեն ունեցել հաշվառում Լեռնային Ղարաբաղի բնակչության ռեգիստրում, սակայն բնակվել են Լեռնային Ղարաբաղում և 2023 թվականի սեպտեմբերի 19-ից Ադրբեջանի կողմից Լեռնային Ղարաբաղի դեմ սանձազերծած ռազմական գործողությունների հետևանքով բռնի տեղահանվելուց հետո հաշվառվել են Ծառայության կողմից։
Զեկուցող ՀՀ Արդարադատության նախարար Գրիգոր Մինասյանը պարզաբանեց, որ ժամանակավոր պաշտպանության տակ վերցված անձինք օրենքի ուժով դառնում են փախստական և օգտվում են փախստականների համար օրենքով և միջազգային կոնվենցիաներով նախատեսված իրավունքներից։
