Այդ փաստաթուղթը կախարդական փայտիկ չէ ու միանգամից բոլոր հարցերը չի լուծի
Ադրբեջանը Հայաստանի հետ խաղաղության պայմանագիր կնքելու ճանապարհին լուրջ խոչընդոտներ չի տեսնում, այս մասին հայտարարել է Ադրբեջանի նախագահի օգնական Հիքմեթ Հաջիևը: «Հստակ ժամկետների մասին դժվար է խոսել, քանի որ Բաքուն և Երևանը դեռ պետք է շարունակեն բանակցությունները՝ ավարտին հասցնելու գործընթացը»,-ասել է նա՝ վստահեցնելով, թե իբր Բաքուն հավատարիմ է տարածաշրջանում կայունության հաստատման և Հայաստան-Ադրբեջան հարաբերությունների կարգավորման ջանքերին:
«Խաղաղության պայմանագիրը կարևոր փաստաթուղթ է, այն կփոխի տարածաշրջանի մթնոլորտը, Հայաստանի և Ադրբեջանի միջև շփումների էությունը, սակայն պետք է հասկանալ, որ այդ փաստաթուղթը կախարդական փայտիկ չէ ու միանգամից բոլոր հարցերը չի լուծի»,- ընդգծել է Հաջիևը։
Խոսելով Փարիզի կողմից Երեւանին ռազմական տեխնիկայի խմբաքանակի մատակարարման մասին ՝ Հաջիեւն ասել է, որ Հարավային Կովկասի տարածաշրջանում Ֆրանսիայի կառավարության նպատակները «դժվար է իմաստավորվել»։ «Այլ երկրներ չպետք է արտահանեն իրենց աշխարհաքաղաքական ինտրիգներն ու ներքաղաքական օրակարգը տարածաշրջան», - ընդգծել է նա:
