Վրաստանը կշարունակի Ռուսաստանի դեմ պատժամիջոցներ չկիրառելու քաղաքականությունը
Վրաստանի իշխանությունները կշարունակեն հետևել Ռուսաստանի դեմ պատժամիջոցներ չկիրառելու քաղաքականությանը։ Այս մասին հայտարարել է Վրաստանի վարչապետ Իրակլի Կոբախիձեն։«Երբ հարցը վերաբերում է պատժամիջոցների վերաբերյալ մեր քաղաքականությանը, մենք շատ հստակ դիրքորոշում ունենք: Մենք պատժամիջոցներ չենք կիրառում, և ունենք շատ ամուր փաստարկներ այս հարցում: Սա մեր քաղաքականությունն է, որին մենք պատրաստվում ենք հետևել ապագայում ևս»,- ասել է Կոբախիձեն Բրյուսելում Վրաստան-ԵՄ Ասոցացման խորհրդի նիստի արդյունքներով ճեպազրույցում։
Միևնույն ժամանակ, Կոբախիձեն նշել է, որ Վրաստանը կշարունակի քաղաքական աջակցություն ցուցաբերել Ուկրաինային՝ «վրաց և ուկրաինացի ժողովուրդների միջև գոյություն ունեցող առանձնահատուկ բարեկամության պատճառով»։
