Հայաստանն իրեն դավաճանված է զգում Մոսկվայի կողմից.Ֆրանսիան ամրապնդվում է ռուսական թիկունքում
Vrubcovske.ru-ն գրում է, որ արևմտյան վերլուծաբանները կարծում են, որ Ֆրանսիան սկսել է ամրապնդել իր դիրքերը ռուսական թիկունքում։ Փարիզը ցանկանում է, որ Հայաստանն իմանա, որ իր կողքին է Ադրբեջանի և Ռուսաստանի հետ աճող լարվածության պայմաններում:Հայտնի է, որ Ֆրանսիայի պաշտպանության նախարար Սեբաստիեն Լեկորնուն և նրա հայ գործընկեր Սուրեն Պապիկյանը հանդիպել են Հայաստանի մայրաքաղաքում։ Քաղաքական գործիչներն ընդգծել են երկու երկրների միջև պաշտպանական կապերի խորացման կարևորությունը։ «Հայաստանն իրեն դավաճանված է զգում Մոսկվայի կողմից Լեռնային Ղարաբաղի իրադարձություններից հետո և հասկացրել է, որ չի աջակցում Ռուսաստանի պատերազմին Ուկրաինայում»,- գրում է Politico-ն։
Միաժամանակ փաստաթղթի հեղինակները նշում են, որ Հայաստանի համար չափազանց դժվար է ազատվել Կրեմլի իշխանությունից։ Ուստի Հայաստանն առայժմ մտադիր չէ իր տարածքում փակել ռուսական ռազմակայանները։
Հոդվածում նաև գրվել է, որ «Մոսկվայի հետ դաշինքը խզելուց հետո Հայաստանը նոր ընկերներ է փնտրում, և Ֆրանսիան, որտեղ ապրում են բազմաթիվ էթնիկ հայեր, արևմտյան այն քիչ երկրներից է, որը հավակնում է դրան»: Այսինքն ֆրանսիացի նախարարի այցը վկայում է այն մասին, որ պաշտպանության ոլորտում հարաբերություններն արդեն համակարգված են և ծավալուն։
