Բաքուն Երևանից պահանջում է անհապաղ ազատել «իր գյուղերը». հայտնի են անունները.Մուստաֆաևի գրասենյակ
Բաքուն Երևանից գյուղեր է պահանջում։ Ադրբեջանի փոխվարչապետ Շահին Մուստաֆաևի գրասենյակն այսօր հայտարարություն է տարածել։Նշվում է, որ սահմանազատման գործընթացի շրջանակում քննարկվում է Վերին Ոսկեպարի, Տիգրանաշենի, Սոֆուլուի և Բարխուդարլիի (չբնակեցված) հարցը։
Այս բոլոր սահմանամերձ գյուղերը Հայաստանի Տավուշի մարզում են։
Մեկնաբանության մեջ ասվում է, որ «Ադրբեջանի Հանրապետությունը չի ընդունում վերջին շրջանում
հայկական ԶԼՄ-ներում կառավարական աղբյուրներից տարածվող տեղեկատվությունն այն մասին, որ Հայաստանի 31 գյուղերին պատկանող հողերը գտնվում են Ադրբեջանի օկուպացիայի տակ»։
«Ադրբեջանը, չճանաչելով դա, պահանջում է ազատել «իր» 4 «օկուպացված» գյուղերը։ Այս առնչությամբ ադրբեջանական կողմը հարկ է համարում նշել, որ մինչ պետական սահմանի սահմանազատումն իրականացվելը, միանգամայն «անհիմն» է հայտարարել, որ Հայաստանի 31 գյուղերին պատկանող հողերը օկուպացված են։ Ինչ վերաբերում է «Հայաստանի կողմից օկուպացված 4 ադրբեջանական» գյուղերին (Բաղանիս-Այրում, Ներքին Ոսկեպար, Խեյրիմլի, Կըզըլ Հաջիլի), ապա դրանց պատկանելությունն Ադրբեջանին «անվիճելի է» և դրանք «ենթակա են անհապաղ ազատման»։ Սահմանազատման գործընթացի շրջանակում կլուծվի նաև «Հայաստանի կողմից օկուպացված Ադրբեջանի 4 էքսկլավային» գյուղերի (Վերին Ոսկեպար, Սոֆուլու, Բարխուդարլու, Տիգրանաշեն) ազատման հարցը», - ասվում է մեկնաբանությունում։
Նշենք, որ Ադրբեջանի փոխվարչապետը ղեկավարում է Հայաստանի հետ սահմանազատման ադրբեջանական կողմի պետական հանձնաժողովը։
