Տեսանյութ.Եթե հարթակում ճիշտ մարդիկ չլինեն, դա խնդիր է. Այսօր անգամ Թուրքիան չի ուզում խոսել մեզ հետ. Ասում է՝ քո ռեգիոնալ լիդերը Ալիևն է, գնա իր հետ հարցերդ լուծիր
Իշխանությունը վաղուց պետք է համարեր, որ հեռանալու պահն է. Ընդ որում, ոչ թե էդ կլոունադան, որ ասում է՝ ես քանի անգամ հրաժարվել եմ: Այս մասին «Հաղթանակի» զբոսայգում լրագրողների հետ զրույցում նշեց ՀԱԿ փոխնախգահ Լեւոն Զուրաբյանը:«Նա տապալել է ամեն ինչ, նա տապալել է խաղաղությունը 2019-ին, երբ Մինսկի խմբի համանախագահությունը սեղանին էր դրել մի խաղաղ լուծում, որով ԼՂ-ն գումարած Քելբաջարն ու Լաչինը մնում էին հայկական վերահսկողության տակ: ԼՂ-ի կարգավիճակը դառնում էր ապագա սերունդների լուծերիք հարց, բազմազգ խաղաղապահներ էին նախատեսված եւ այլն: Ինքը ոչ միայն դա չընդունեց, ոչ միայն չմտավ բանակցությունների մեջ, նա թաքցրեց դա սեփական ժողովրդից: 2020-ին Կապանի հայտնի ասուլիսում ասաց, որ չկա որեւէ փաստաթուղթ քննարկելու: Այսինքն եւ բանակցություններից հրաժարվեց, եւ սեփական ժողովրդին խաբեց: 44-օրյա պատերազմը լրիվ իր խղճի վրա է: Նա տարավ մի պատերազմի, որտեղ մենք ջարդուխուրդ եղանք: Ոչ էլ կարգին պատրաստվել էին պատերազմին, ոչ էլ դրանից հետո են պատրաստվում:
Հետո մերժեցին ռուսական կարգավորման պլանը՝ հույս ունենալով, որ պետք է ստանան արեւմտյան կարգվորման պլան, որ Արեւմուտքը Ադրբեջանին կբերի խաղաղության, դա էլ տապալվեց: Այդ ամբողջ հաշվարկը հիմարություն էր:
Այսօր Արեւմուտքը չի գալիս օգնության, չի գալիս լուրջ, էֆեկտիվ միջնորդության, Ռուսաստանի միջնորդությունը մերժել է Հայաստանը եւ այսօր մենք հայտնվել ենք շատ ծանր վիճակում, երբ տարածաշրջանում հարցերը լուծում են թուրքիան ու Ադրբեջանը»,- հայտարարեց Զուրաբյանը:
Այսօր անգամ Թուրքիան չի ուզում խոսել Հայաստանի հետ. Թուրքիան մեզ ասում է՝ քո ռեգիոնալ լիդերը Ալիեւն է, գնա իր հետ քո հարցերը լուծի:
«Դրա համար է Փաշինյանը հայտնվել այսպիսի խոցելի վիճակում: Հիմարագույն դիվանագիտության հետեւանքով, զոհաբերելով այսքան զինվորմ, եկել հասել ենք մի կոտրած տաշտակի առաջ, երբ ռազմական շանտաժով մեզնից պահանջում են զիջումներ: Ընդ որում, պարզ էլ չի, ու ինքն էլ չի ասում, որ այս զիջումներն անելու դեպքում մենք կունենանք խաղաղություն: Սա ի՞նչ քաղաքականություն է, ո՞ււր է այն տանում»:
«Դրա համար է Փաշինյանը հայտնվել այսպիսի խոցելի վիճակում: Հիմարագույն դիվանագիտության հետեւանքով, զոհաբերելով այսքան զինվորմ, եկել հասել ենք մի կոտրած տաշտակի առաջ, երբ ռազմական շանտաժով մեզնից պահանջում են զիջումներ: Ընդ որում, պարզ էլ չի, ու ինքն էլ չի ասում, որ այս զիջումներն անելու դեպքում մենք կունենանք խաղաղություն: Սա ի՞նչ քաղաքականություն է, ո՞ււր է այն տանում»:
