Մինչև հանրությունը կարողանա տիրապետել համակարգին.Իսկ ի՞նչ է լինելու ժետոն վաճառողների հետ
Երևանի մետրոյի կայարանում տեղադրվել են նոր անցարգելներ՝ վճարման նոր համակարգով․ քաղաքացիները ժետոնների փոխարեն՝ տոմսերը գնելու են QR կոդի հավելվածով կամ տերմինալով: Այս նորամուծությանը քաղաքացիներին ծանոթացնելու համար նոր վճարային համակարգը սպասարկող «Թել-Սել» ՓԲԸ-ն նույնիսկ աշխատակիցներ է տրամադրել, որոնք համապատասխան սարքավորումների մոտ մետրոյից օգտվողներին ցույց են տալիս քայլերի հաջորդականությունը։ Իսկ ի՞նչ է լինելու ժետոն վաճառողների հետ․ արդյո՞ք մետրոպոլիտենը քննարկել է այս հարցը՝ 168.am-ը ճշտեց Երևանի մետրոպոլիտենի մամուլի խոսնակ Տաթև Խաչատրյանից։ Տաթև Խաչատրյանը պարզաբանեց․ «Ժետոն վաճառողները չեն մնա գործազուրկ։ Մինչև հանրությունը կարողանա վարժ տիրապետել համակարգին, ժետոն վաճառող գանձապահները լինելու են։ Բացի այդ՝ ժետոն վաճառող գանձապահները մնալու են իրենց տեղում, քանի որ մետրոյից օգտվում են տատիկ-պապիկները, որոնք այդ նորագույն տեխնոլոգիաներին, QR կոդերին ծանոթ չեն»։
