Տեսանյութ.Ռուսները փրկել են, ստիպել են, որ Ադրբեջանը միջանցք թողնի, Լաչինի միջանցքն էլ ոչ ռուսն է փակել, ոչ էլ ադրբեջանցին
Լաչինի միջանցքը ռուսները չեն փակել, ադրբեջանցիներն էլ չեն փակել, Լաչինի միջանցքը Նիկոլ Փաշինյանն է փակել: Այս մասին NEWS.am-ի հետ զրույցում ասել է ՀՀ նախկին վարչապետ Հրանտ Բագրատյանը:«Երբ հայտարարեց, որ Ղարաբաղն Ադրբեջան է, ադրբեջանցիներն էլ ասացին՝ ցավդ տանեմ, ի՞նչ բեռ ունեք, բերեք Աղդամով մտցրեք: Այդտեղ էլ Ղարաբաղը չհամաձայնեց՝ առանց երկար-բարակ կշռադատելու, որ Նիկոլն է իրենց «քցողը»,-ասաց նա:
Դիտարկմանը, որ ԱԽ քարտուղարը հայտարարել է, որ Ռուսաստանը եկավ, Արցախը հանձնեց Ադրբեջանին, ապա հեռացավ, Բագրատյանն ասաց. «Սուտ է ասում, Արցախն իրենք են հանձնել, որ իբր Ռուսաստանից անկախանան: Ո՞վ հայտարարեց, որ Ղարաբաղն Ադրբեջան է: Ռուսաստանը Ղարաբաղ զորք էր բերել, որ ապագայում այդտեղ լիներ մեկ այլ ստատուս: բա եթե ռւոսները հանձնում էին Ղարաբաղը, ինչո՞ւ էին գալիս: Բա չեք կարո՞ւմ գնալ էդ հիմարին ասել՝ պարտվել, պրծել էինք, Նիկոլ Փաշինյանը նոյեմբերի 8-ին վազեց Պուտինի մոտ, ասաց՝ 20 հազար բանակը գերի են վերցնում, շրջափակված էր արդեն: Ռուսները փրկել են, ստիպել են, որ Ադրբեջանը միջանցք թողնի: Եթե այս տարրական ուղեղը հայը չունի… կան թեկուզ մի քանի հազար մարդ, որ ուղեղ ունեն, մնացածն այստեղ ապրելու արժանի չեն»:
