Հայաստանը դուրս չի եկել, կանգնեցրել է իր մասնակցությունը, ասել, որ գնացել են կամ գնում են, այդպիսի հարց չկա դրված
Հայաստանը դուրս չի եկել Հավաքական անվտանգության պայմանագրի կազմակերպությունից (ՀԱՊԿ)։ Այս մասին հայտարարել է կազմակերպության գլխավոր քարտուղար Իմանգալի Տասմագամբետովը, փոխանցում է ТАСС-ը։«Հայաստանը դուրս չի եկել, դադարեցրել է իր մասնակցությունը Հավաքական անվտանգության պայմանագրի կազմակերպության աշխատանքներին: Ասել, որ գնացել են կամ գնում են, նման հարց դրված չէ»,- ասել է Տասմագամբետովը։
ТАСС-ը հիշեցնում է, որ հունվարի 15-ին ՀՀ պաշտպանության նախարար Սուրեն Պապիկյանը հայտարարեց, որ Հայաստանը շահագրգռված է Ռուսաստանի հետ հարաբերությունները պահպանել բարձր մակարդակով։ Նրա խոսքով՝ Հայաստանը դե ֆակտո ոչ մի մասնակցություն չունի ՀԱՊԿ-ին, սակայն հանրապետությունը չի չեղարկել Ռուսաստանի Դաշնության հետ հարաբերությունների վերաբերյալ երկկողմանի որևէ փաստաթուղթ և դուրս չի եկել կազմակերպությունից։
