Հայոց ցեղшuպանության ճանաչման օրինագիծ է ներկայացվել Մոլդովայի խորհրդարանում
Մոլդովայի խորհրդարանում Հայոց ցեղասպանության ճանաչման մասին օրինագիծ է ներկայացվել։ Այս մասին հայտնել է Մոլդովայի խորհրդարանի պատգամավոր, Ազգային այլընտրանքային շարժման անդամ Հայկ Վարդանյանը լրագրողների հետ ճեպազրույցում:«Եվրամիության երկրների մեծ մասը ճանաչել է Հայոց ցեղասպանությունը: Մոլդովան՝ որպես ԵՄ անդամակցության ձգտող երկիր, պետք է հետևի նրանց օրինակին»,- նշել է Վարդանյանը, հավելել՝ սա ոչ թե առանձին գործչի կամ կուսակցության, այլ հայկական համայնքի նախաձեռնությունն է, որը Մոլդովայի տարածքում բնակվում է դեռ 12-րդ դարից:
Նա կոչ է արել մյուս պատգամավորներին մինչև այս գումարման խորհրդարանի լիազորությունների ավարտը կողմ քվեարկել օրենքի նախագծին։
Նա նշել է նաև, որ «ներկայիս խորհրդարանը, որի մանդատը լրանում է մի քանի ամսից, կարող է դրական նոտայով ավարտել այն՝ քվեարկելով նման վեհ և կարևոր նախագծի օգտին, հատկապես Եվրոմիության թեկնածու երկրի համար»։
