Վերջին օրերին Ուկրաինան Ռուսաստանի ուղղությամբ հարվածներ հասցնելիս կիրառել է միայն ուկրաինական զենք
Ուկրաինայի նախագահ Վլադիմիր Զելենսկին Նիդերլանդների վարչապետի պաշտոնակատար Դիկ Սխոֆի հետ մամուլի ասուլիսի ժամանակ ասել է, որ վերջին օրերին Ուկրաինան Ռուսաստանի ուղղությամբ հարվածներ հասցնելիս կիրառել է միայն ուկրաինական զենք, ընդ որում, խոսքը միայն անօդաչու թռչող սարքերի մասին չէ:Ուկրաինայի նախագահը չի մանրամասնել, թե անօդաչու թռչող սարքերից բացի էլ ինչ է կիրառվել հարվածների համար։ Նրա խոսքերը հնչել են ի պատասխան այն հարցին, թե արդյոք Ուկրաինան արդեն կիրառում է նոր «Ֆլամինգո» թևավոր հրթիռները Ռուսաստանի ուղղությամբ հարվածների համար, թե ոչ։
Economist-ը նախկինում հաղորդել էր, որ ֆլամինգոներն արդեն օգտագործվում են ուկրաինական բանակի կողմից։ Պարբերականը չի նշել տեղեկատվության աղբյուրը։
