Լիբիայի բանակի գլխավոր շտաբի պետին տեղափոխող ինքնաթիռը կործանվել է Անկարայի մոտակայքում
Լիբիայի բանակի գլխավոր շտաբի պետին տեղափոխող ինքնաթիռը կործանվել է Անկարայի մոտակայքում, հաղորդում է TASS-ը՝ հղում անելով NTV հեռուստաալիքին։Կործանումը տեղի է ունեցել Տրիպոլի թռիչքից կարճ ժամանակ անց։
Անկարայից Տրիպոլի թռչող Falcon 50 ինքնաթիռը անսպասելի անհետացել է ռադարներից։ Ինքնաթիռում եղել է հինգ ուղևոր, այդ թվում՝ Լիբիայի գլխավոր շտաբի պետ, գեներալ Մոհամմեդ Ալի Հադդադը։ Այս մասին հայտնել է Habertürk-ը։
Դեպքից հետո Թուրքիայի իշխանությունները ժամանակավորապես փակել են Անկարայի օդային տարածքը։
Լիբիայի գլխավոր շտաբի պետ, գեներալ Մոհամմեդ Ալի Հադդադը ժամանել էր Անկարա՝ Թուրքիայի գլխավոր շտաբի պետ, գեներալ Սելջուկ Բայրաքթարօղլուի հրավերով և բանակցություններ է վարել Թուրքիայի ազգային պաշտպանության նախարար Յաշար Գյուլերի հետ։
