ՀՅԴ-ն 2026թ. խորհրդարանական ընտրություններին կմասնակցի դաշինքով
2026թ. խորհրդարանական հերթական ընտրություններին ՀՅԴ-ն կմասնակցի դաշինքային ձևաչափով։ Այս մասին այսօր տեղի ունեցած մամուլի ասուլիսում հայտարարել է ՀՅԴ Հայաստանի ԳՄ ներկայացուցիչ Իշխան Սաղաթելյանը։ Նա նշել է, որ այս որոշումը կայացվել է ՀՅԴ Հայաստանի կազմակերպության 29-րդ արտահերթ Գերագույն ժողովի ժամանակ, որտեղ քննվել է ՀՀ ԱԺ 2026 թվականի ընտրություններին ՀՅԴ մասնակցության ձևաչափի հարցը։
Առաջնային քննարկումները սկսելու ենք «Հայաստան» դաշինքի հետ։ Դաշինքը պահպանելու և ընդլայնելու հավակնություն ունենք»,-ասել է նա։
Նրա խոսքով՝ ընտրություններին դաշինքային ձևաչափով մասնակցելու որոշումից հետո ազատ և լիազորված են բանակցությունները, քննարկումները վարելու և վերջնական եզրակացության գալու։
«Ով է լինելու և ով է արժանի իշխանությունը ձևավորել, դա որոշելու է ժողովուրդը։ Որևէ քաղաքական ուժ իրավունք չունի սահմանափակելու մեկ այլ ուժի մասնակցությունը։ Ձևավորվում են համապատասխան դաշինքները, կներկայացնեն ծրագիր, կներկայացնեն թիմ ու մեր ժողովուրդն իր գնահատականը կտա»,-ասել է Իշխան Սաղաթելյանը։
