Հայաստան այցելած ադրբեջանցիները ՌԴ քաղաքացիներ են, այցը կրել է մասնավոր բնույթ
ԱԱԾ-ից «Արմենպրես»-ի հարցմանն ի պատասխան ասել են, թե ադրբեջանցիները Ռուսաստանի Դաշնության քաղաքացիներ են, պնդել են, թե նրանք նախկինում էլ են Հայաստան այցելել։«Հայաստան այցելած ազգությամբ ադրբեջանցիները Ռուսաստանի Դաշնության քաղաքացիներ են, ովքեր ՀՀ են այցելել նաև նախկինում` 2013 ու 2014 թվականներին։ Նրանք Հայաստան են մուտք գործել ու երկիրը լքել են պետական սահմանի «Բագրատաշեն» անցման կետով, իսկ այցը կրել է մասնավոր բնույթ»,-մասնավորապես, ասել են ԱԱԾ-ից։
Նշել են նաև, որ ԱԱԾ գործունեության և դրա արդյունքների վերաբերյալ տեղեկությունները դասվում են պետական գաղտնիքի շարքին և, «Տեղեկատվության ազատության մասին» օրենքի 8-րդ հոդվածի 1-ին մասի 1-ին կետի համաձայն, ենթակա չեն հրապարակման։
