Իրանը արգելափակում է ամերիկյան նավերի մուտքը Պարսից ծոց
Իրանը փակում է ԱՄՆ նավերի մուտքը Պարսից ծոց: Այս մասին հայտարարել է Իրանի բարձրագույն խորհրդատվական մարմնի՝ Նպատակահարմարության որոշման խորհրդի անդամ Մոհսեն Ռեզային, հայտնում է ՌԻԱ նովոստի-ն։«Այսօրվանից ոչ մի ամերիկյան նավ իրավունք չունի մուտք գործել Պարսից ծոց»,- ասել է նա իրանական հեռուստատեսության եթերում։
Ավելի վաղ իրանցի զինվորականները հայտնել էին, որ փակել են Հորմուզի նեղուցը, ինչպես նաև, ըստ լրատվամիջոցների, նախազգուշացրել են նավերին երթուղու վտանգավորության մասին՝ Իրանի, ԱՄՆ-ի և Իսրայելի հարվածների պատճառով։
