ԱՄԷ-ն հայտարարել է Թեհրանում իրենց դեսպանատունը փակելու և դեսպանին հետ կանչելու որոշման մասին
Արաբական Միացյալ Էմիրությունների իշխանությունները հայտարարել են Թեհրանում իրենց դեսպանատունը փակելու և դեսպանին ու դիվանագիտական առաքելության բոլոր անդամներին հետ կանչելու որոշման մասին՝ Իրանի կողմից էմիրության վրա հարվածների պատճառով։«Արաբական Միացյալ Էմիրությունների իշխանությունները հայտարարել են Թեհրանում իրենց դեսպանատան փակման և դեսպանին ու դիվանագիտական առաքելության բոլոր անդամներին Իրանից հետ կանչելու մասին», - ասվում է ԱՄԷ-ի արտաքին գործերի նախարարության հայտարարության մեջ։
Փակման պատճառը երկրի վրա Իրանի կողմից հրթիռային հարվածներն են եղել։ Արտաքին գործերի նախարարությունը շեշտել է, որ դրանք հարվածել են քաղաքացիական ենթակառուցվածքներին։
Նախկինում հաղորդվել էր, որ ԱՄԷ-ում ԱՄՆ ռազմական օբյեկտների վրա Իրանի կողմից հարվածների հետևանքով զոհվել է երեք օտարերկրացի։ Մի քանի հրթիռներ և անօդաչու թռչող սարքեր են ընկել բնակելի թաղամասերում։
