ՄԱԿ-ի Անվտանգության խորհրուրդը շահագրգռված չէ Մերձավոր Արևելքում ներկայիս դիմակայության դադարեցմամբ
ՄԱԿ-ի Անվտանգության խորհրդում Մերձավոր Արևելքի վերաբերյալ ռուսական բանաձևի նախագծի շուրջ կայացված որոշումը հարցականի տակ է դնում երկրների շահագրգռվածությունը կարգավորման հարցում։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, հայտնում է ՌԻԱ Նովոստի-ն։Դիվանագետի խոսքով՝ նախագիծը չի ստացել անհրաժեշտ աջակցությունը, ինչը ցույց է տալիս որոշ անդամների դիրքորոշումը։
«Թվում էր, թե ՄԱԿ-ի Անվտանգության խորհրդի նման անկողմնակալ որոշումը պետք է պաշտպանվեր դրա բոլոր պատասխանատու անդամների կողմից, սակայն մեր նախաձեռնության օգտին քվեարկեցին միայն Չինաստանը, Պակիստանը և Սոմալին։ Ստացվում է, որ նրանք շահագրգռված չեն Մերձավոր Արևելքում ներկայիս դիմակայության դադարեցմամբ»,- նշել է Զախարովան։
Նա նաև ընդգծել է, որ ԱՄՆ-ն և Լատվիան դեմ են արտահայտվել, իսկ մնացած երկրները նախընտրել են ձեռնպահ մնալ, թեև խորհրդակցությունների ընթացքում ռուսական տեքստի վերաբերյալ որևէ առարկություն չէին ներկայացրել։
