Իրանը և նրա դաշնակիցները չեն հարվածել Թուրքիային և Օմանին, դրանք Իսրայելի սադրանքներ են
Իրանը և նրա դաշնակիցները չեն հարվածել Թուրքիային և Օմանին. սրանք Իսրայելի սադրանքներ են։ Այս մասին հայտարարել է Իրանի գերագույն առաջնորդ այաթոլլահ Մոջթաբա Խամենեին՝ մարտի 20-ին՝ իրանական Նոր տարվա (Նովրուզի) մեկնարկի կապակցությամբ, գրում է «Իզվեստիա»-ն։«Մեզ հետ լավ հարաբերություններ պահպանող Թուրքիայի և Օմանի որոշ թիրախների վրա հարձակումները չեն իրականացվել Իսլամական Հանրապետության զինված ուժերի կամ այլ դիմադրության առանցքի ուժերի կողմից։ Սա սիոնիստական թշնամու կողմից իրականացված խորամանկություն է, որը սադրիչ մարտավարություն է օգտագործում Իսլամական Հանրապետության և նրա հարևանների միջև պառակտում ստեղծելու համար։ Սա կարող է տեղի ունենալ նաև այլ երկրներում»,-գրել է նա՝ X (նախկինում՝ Twitter) սոցիալական մեդիա հարթակում։
