Վանո Սիրադեղյանը՝ ՀԱԿ նոր վարչության կազմում
Կառավարության նիստերի դահլիճում քիչ առաջ մեկնարկեց ՀԱԿ 2-րդ (20-րդ) համագումարը:Համագումարն սկսվեց ՀՀ օրհներգի հնչյունների ներքո՝ ձեռքները բռունցք արած, պարզած վեր: ՀԱԿ անդամ Սարգիս Աբրահամյանը հայտարարեց, որ 504 պատվիրակից ներկա է 390-ը: Նա նաեւ նշեց, որ պատվիրակների մի մասը, որոնք մարզերից են գալիս, ճանապարհին են՝ եղանակային վատ պայմանների պատճառով ուշանում են: Այս պահին ցուցադրվում է ՀԱԿ պատմությունը ներկայացնող ֆիլմը: Երբ կադրում երեւաց Վանո Սիրադեղյանը, դահլիճը սկսեց ծափահարել:
Ի դեպ, ՀԱԿ նոր վարչության կազմում ներառված են Վանո Սիրադեղյանը, Զոյա Թադեւոսյանը, Գագիկ Ջհանգիրյանը, Վարդան Մալխասյանը, Սարգիս Գեւորգյանը, Հակոբ Հակոբյանը, Արարատ Կոստանյանը, Գրեզելդա Ղազարյանը, Մյասնիկ Մալխասյանը, Արմեն Մարտիրոսյանը, Հրանտ Տեր-Աբրահամյանը, Աշոտ Սարգսյանը, Անի Գեւորգյանը եւ այլն:
