ՀՀԿ-ին ամենաշատ ձայներ բերած թեկնածուների տասնյակը. մեծամասնությունն ապահովել է Արայիկ Գրիգորյանը
ՀՀ կենտրոնական ընտրական հանձնաժողովը քիչ առաջ կայացած նիստում ամփոփեց ապրիլի 2–ին կայացած ընտրությունների նախնական արդյունքները։Համաձայն ներկայացված վերջին տվյալների՝ ԱԺ կանցնի 4 քաղաքական ուժ ՀՀԿ՝ 49,12%, «Ծառուկյան» դաշինք՝ 27,32%, «Ելք»՝ 7,77%, ՀՅԴ՝ 6,57%։
Տարածքային թեկնածուների ցուցակով Հայաստանի 13 ընտրատարածքներից 12-ում հաղթել են ՀՀԿ-ի տարածքային թեկնածուները, մեկում՝ թիվ 10 ընտրատարածքում, հաղթել է ԲՀԿ թեկնածուն:
Ձայների մեծամասնությունը, սակայն, Հայաստանի հանրապետական կուսակցության համար ապահովել է թիվ 5 ընտրատարածքում՝ Արարատի մարզում ՀՀԿ-ից առաջադրված թեկնածու Արայիկ Գրիգորյանը՝ 45 339 ձայն: Կուսակցության համար 2-րդ ամենամեծ թվով ձայներ ապահոված թեկնածուն թիվ 9 ընտրատարածքում առաջադրված Կարեն Կարապետյանն է՝ 44 255 ձայն: Երրորդ հորիզոնականում՝ թիվ 3 ընտրատարածքում առաջադրված թեկնածու Սամվել Ալեքսանյանն է՝ 42472 ձայն:
ՀՀԿ-ին ամենամեծ թվով ձայներ բերած թեկնածուների տասնյակը հետևյալն է.
1. Թիվ 5՝ Արարատի մարզ՝ Արայիկ Գրիգորյան՝ 45 339 ձայն։
2.Թիվ 9՝ Լոռի- Կարեն Կարապետյան՝ 44 255 ձայն։
3. Թիվ 3՝ Շենգավիթ, Մալաթիա-Սեբաստիա՝ Սամվել Ալեքսանյան՝ 42472 քվե։
4. Թիվ 1՝ Ավան, Նոր նորք և Քանաքեռ-Զեյթուն՝ Ռոբերտ Սարգսյան՝ 27107 ձայն։
5. Թիվ 4՝ Կենտրոն, Էրեբունի, Նուբարաշեն՝ Հակոբ Բեգլարյան 26001 ձայն։
6. Թիվ 6՝ Արմավիրի մարզ՝ Սեդրակ Սարոյան՝ 21933 ձայն։
7. Թիվ12՝ Վայոց ձոր և Սյունիք՝ Վահե Հակոբյան՝ 21 823 ձայն։
8. Թիվ 6՝ Արմավիրի մարզ՝ Նահապետ Գևորգյան՝ 21778 ձայն։
9. Թիվ 4՝ Կենտրոն, Էրեբունի, Նուբարաշեն՝ Հարություն Կարապողոսյան՝ 20306 ձայն։
10. Թիվ 1՝ Ավան, Նոր նորք և Քանաքեռ-Զեյթուն՝ Միհրան Պողոսյան՝ 19874 ձայն:
Իսկ ըստ ընտրատարածքների ամենամեծ թվով ձայները ստացել են հետևյալ թեկնածուները.
Թիվ 1՝ Ավան, Նոր նորք և Քանաքեռ-Զեյթուն
Տարածքային կարգով քվեների մեծամասնություն է ստացել ՀՀԿ թեկնածու Ռոբերտ Սարգսյանը՝ 27107 ձայն:
Թիվ 2՝ Արաբկիր, Աջափնյակ և Դավթաշեն
Այս ընտրատարածքում տարածքային թեկնածուներից ընտրողների ձայների մեծամասնությունը ստացել է ՀՀԿ թեկնածու՝ Արման Սահակյանը՝ 18532 ձայն:
Թիվ 3՝ Շենգավիթ, Մալաթիա-Սեբաստիա
Թիվ 3 ընտրատարածքում տարածքային թեկնածուներից քվեների մեծամասնությունը ստացել է ՀՀԿ-ական թեկնածու Սամվել Ալեքսանյանը՝ 42472 քվե:
Թիվ 4՝ Կենտրոն, Էրեբունի, Նուբարաշեն և Նորք Մարաշ
Թիվ 4 ընտրատարածքից առաջադրված տարածքային թեկնածուներից ամենամեծ թվով ձայներ ստացել է ՀՀԿ-ական թեկնածու Հակոբ Բեգլարյանը՝ 26001 քվե։
Թիվ 5 ՝Արարատի մարզ
Թիվ 5 ընտրատարածքում առաջատարը Հանրապետական կուսակցությունից առաջադրված Արայիկ Գրիգորյանն է ՝45 339 ձայն:
Թիվ 6՝ Արմավիրի մարզ
Արմավիրի մարզում ամենամեծ թվով ձայները ստացել է ՀՀԿ-ից Սեդրակ Սարոյանը՝ 21933 ձայն:
Թիվ 7՝ Արագածոտնի մարզ
Թիվ 7 ընտրատարածքում 14166 ձայնով առաջատարը «Հանրապետական» կուսակցության ռեյտինգային թեկնածու Նաիրի Սահակյանն է:
Թիվ 8՝ Գեղարքունիքի մարզ
Թիվ 8 ընտրատարածքում առաջատար եռյակում է ՀՀԿ-ից Կարեն Բոթոյանը, ով ստացել է 14932 ձայն:
Թիվ 9՝ Լոռի
Այս ընտրատարածքում առաջատարը ՀՀԿ տարածքային ընտրացուցակով առաջադրված պատգամավորի թեկնածու Կարեն Կարապետյանն է՝ 44 255 ձայնով:
Թիվ 10՝ Կոտայք
Թիվ 10 ընտրատարածքում տարածքային ընտրացուցակով առաջատարը «Ծառուկյան» դաշինքից պատգամավորի թեկնածու Դավիթ Մանուկյանն է՝ 20761 ձայն:
Թիվ 11՝ Շիրակ
Շիրակի մարզում առաջատարը Հանրապետական կուսակցությունից առաջադրված Արման Սահակյանն է՝14 510 ձայնով։
Թիվ 12՝ Վայոց ձոր և Սյունիք
Թիվ 12 ընտրատարածքում առաջատարը Վահե Հակոբյանն է՝ 21 823 ձայն:
Թիվ 13՝ Տավուշ
Տավուշի մարզում 17113 ձայնով առաջատար է Հանրապետական կուսակցության տարածքային թեկնածու «Գրանդ Տոբակո» ՀԿ ՀՁ ՍՊԸ-ի ֆինանսական տնօրեն Գրիգորի Ավալյանը:
