Այս անգամ պատերազմը պետք է հայկական կողմը սկսի

-Պարոն Շիրինյան, ի՞նչպես կգնահատեք Սանկտ-Պետերբուրգում կայացած Սարգսյան-Ալիև-Պուտին   եռակողմ հանդիպումը:

-Հերթական հանդիպումն է մի ակնկալիքով, եթե հայկական կողմը հանդիպումներն օգտագործի բանակի վերազինման և երկրի մոբիլիզացիայի առումով: Այսինքն՝ բանակցելով, պատրաստվել պատերազմի: 

-Կարծում եք Ադրբեջանը նոր պատերազմ կսանձազերծի: 

-Արդեն սանձազերծել է՝ զորավարժություններ սկսելով: Ադրբեջանը միշտ լարված է պահելու իրավիճակը: Եթե թշնամիդ զորավարժություն է անցկացնում, ուրեմն դու էլ պետք է զորքդ պատրաստ պահես: Իսկ բուն գործողություններ կսկսեն, երբ հարմար գտնեն՝ կապված   ներքին  և արտաքին հանգամանքներով: Կարծում եմ, այս անգամ հայկական կողմը հենց ինքը պետք է առաջինը սկսի, իրեն հարմար ժամանակահատվածում և Ադրբեջանին ձախողելու նշանաբանով: