ՀՀԿ-ն առաջարկեց ԱԺ նախագահի թեկնածությունը. հայտնի են նաև ղեկավար մարմիները

 

Արդեն հայտնի է, որ Հանրապետական կուսակցությունն Ազգային ժողովի նախագահի պաշտոնին առաջադրելու է ԱԺ առողջապահության, մայրության և մանկության հարցերի մշտական հանձնաժողովի նախագահ Արա Բաբլոյանին:  ՀՀԿ մամուլի խոսնակ Էդուարդ Շարմազանովը լրագրողների հետ զրույցում  չբացառեց այդ առաջադրումը:

ԱԺ փոխնախագահներ են լինելու Էդուարդ Շարմազանովն ու Արփինե Հովհաննիսյանը։ ԱԺ մյուս փոխնախագահը կլինի «Բարգավաճ Հայաստան» կուսակցության անդամ Միքայել Մելքումյանը:

ՀՀԿ-ն  կորոշի, թե ովքեր են լինելու ԱԺ մշտական հանձնաժողովների իրենց նախագահները, ՀՀԿ խմբակցության ղեկավարն ու քարտուղարը: Վեցերորդ գումարման ԱԺ-ն ունենալու է ինը մշտական հանձնաժողովներ, որոնցից վեցը բաժին է հասնելու ՀՀԿ-ին: Իշխող կուսակցությունը պետաիրավական հանձնաժողովի նախագահի պաշտոնին կառաջադրի Հրայր Թովմասյանի թեկնածությունը, արտաքին հարցերի մշտական հանձնաժողովի նախագահ կնշանակվի Արմեն Աշոտյանը, տնտեսական հանձնաժողովի նախագահի պաշտոնին՝ Խոսրով Հարությունյանի թեկնածությունը, ֆինանսավարկային և բյուջետային հանձնաժողովում կմնա Գագիկ Մինասյանը, պաշտպանության հանձնաժողովն ամենայն հավանականությամբ դարձյալ կգլխավորի Կորյուն Նահապետյանը: Առողջապահության և սոցիալական հարցերի մշտական հանձնաժողովները կմիավորվեն, որը կղեկավարի Հակոբ Հակոբյանը: