17:00 - Իրանի նախագահն Իսրայելին և ԱՄՆ-ին մեղադրել է երկրում անկարգությունների կազմակերպման մեջ         16:25 - Տեսանյութ. Նոր Հաճնում հողին հանձնեցին գազի թունավորումից մահացած ընտանիքին      16:15 - Գարեգին Նժդեհի մասին վարչապետի գիտելիքներն ու կցկտուր պատասխաններն արդեն անընդունելի են    

26 սեպ 2017 15:57

Մեր պետությունը պետք է աշխատի ծուղակում չհայտնվել

Հայացք մամուլի ակումբում «Նորավանք» գիտակրթական հիմնադրամի տնօրեն Գագիկ Հարությունյանը խոսեց աշխարհաքաղաքական նոր զարգացումների, ԼՂՀ հիմնահարցի շուրջ:
«ՄԱԿ-ն արդյունավետ չի աշխատում և ենթակա է վերափոխումների: Ասվածի ապացույցը Ադրբեջանի նախագահ Իլհամ Ալիևի՝ այդ կառույցի ամբիոնից ոչ այնքան ադեկվատ, բավական պարծենկոտ ելույթն էր: Սրան հակառակ՝ բավական հաջողված էր Հայաստանի նախագահ Սերժ Սարգսյանի ելույթը»,-ասաց Գագիկ Հարությունյանը՝ չբացառելով, որ Ադրբեջանի նախկին նախագահ Հեյդար Ալիևը տարիներ առաջ կարող էր կաշառած լինել այս կառույցին, ճիշտ այնպես, ինչպես վերջին տարիներին եվրոպական կառույցների որոշ գործիչների կաշառել է նրա որդին:
Անդրադառնալով ԵԱՀԿ Մինսկի խմբի համանախագահների՝ ղարաբաղյան հակամարտության կարգավորման վերաբերյալ վերջին հայտարարությանը՝ բանախոսն ընդգծեց՝ կառույցը խնդրի կարգավորման ոչ արդյունավետ ձևաչափ է:
Ինչ վերաբերում է Իրաքյան Քուրդիստանում տեղի ունեցած անկախության  հանրաքվեին և Հայաստանի որդեգրած քաղաքականությանը ՝ Գագիկ Հարությունյանը նշեց. «Մեր պետությունը պետք է աշխատի ծուղակում չհայտնվել՝ վարելով զգուշավոր և հավասարակշիռ քաղաքականություն»:

Մեկնաբանություններ

Համընկնող լուրեր