Շրջանառության մեջ է դրվել Գագիկ Ծառուկյանին կալանավորելու թեզը          Վաղուց հայտնի հակաբիոտիկը կարող է արդյունավետ միջոց լինել քաղցկեղի դեմ       ՈՒՂԻՂ. Կորոնավիրուսի անմեղ զոհերի հիշատակին նվիրված արարողություն՝ Երեւանում    

19 հուն 2018 16:00

Արմեն Սարգսյանը մտածելու ժամանակ է խնդրել Սերժ Սարգսյանից

 Արմեն Սարգսյանը մտածելու ժամանակ է խնդրել Սերժ Սարգսյանից
Արդեն հայտնել էինք, որ այսօր Հայաստանի հանրապետական կուսակցության նախագահ Սերժ Սարգսյանը հանդիպել է ՀՀ նախկին վարչապետ, Միացյալ Թագավորությունում Հայստանի դեսպան Արմեն Սարգսյանին և առաջարկել նախագահի թեկնածություն ՀՀԿ-ի կողմից:
Զրույցում Սերժ Սարգսյանն ասել է. «Իհարկե, շատ ցանկալի է, որ Հայաստանի Հանրապետության չորրորդ նախագահն ընտրվի խորհրդարանական լայն համաձայնության պայմաններում: Եվ հաշվի առնելով մեր այս ցանկությունը՝ կարծում եմ, որ Ձեր մտորումների ժամանակ ճիշտ կլինի, որպեսզի հանդիպեք մեր կոալիցիոն գործընկերոջը՝ Դաշնակցությանը, խորհրդարանում ներկայացված քաղաքական ուժերին՝ «Ծառուկյան» և «Ելք» խմբակցություններին և տեսանելի ապագայում որոշում կայացնեք, որովհետև այդ ընտրությունները պետք է տեղի ունենան մարտի սկզբին: Եվ մեր ցանկությունն է, որ այդ ընտրությունները տեղի ունենան մեկ փուլով, և մարտի սկզբին մենք արդեն ունենանք Հայաստանի Հանրապետության չորրորդ նախագահ: Ի՞նչ եք կարծում այս առումով»:
Ի պատասխան Արմեն Սարգսյանը մտածելու ժամանակ է խնդրել. «Եթե այս բոլոր հանդիպումներից հետո որոշումս կայացնեմ, կփորձեմ պատվով կատարել Հայաստանի Հանրապետության նախագահի պարտականությունները և արդարացնել այն վստահությունը, որ լսեցի Ձեզնից, Ձեր կուսակից ընկերների կողմից և հուսամ նաև կլսեմ մեր մյուս քաղաքացիներից և մեր հայազգի որդիներից: Շնորհակալ եմ, պարո՛ն Նախագահ: Եթե թույլ տաք, ինձ որոշ ժամանակ է պետք վերջնական որոշում ընդունելու համար»»:

Մեկնաբանություններ

Համընկնող լուրեր