ԵՄ-ն զգուշացրել է Թուրքիային զերծ մնալ հարևանների հետ հարաբերությունների վատթարացումից
Կիպրոսի բացառիկ տնտեսական գոտում (ԲՏԳ) Անկարայի գործողությունների կապակցությամբ Եվրամիությունը կոչ է արել Թուրքիային ձեռնպահ մնալ բարիդրացիական հարաբերություններին վնասող քայլերից: Այդ մասին հայտարարել է Եվրահանձնաժողովի պաշտոնական ներկայացուցիչ Մինա Անդրևան, հաղորդում է Ria.ru-ն:
Թուրքիան պետք է միանշանակորեն հավատարիմ մնա բարիդրացիական հարաբերություններին և խուսափի որևէ անդամ երկրի դեմ ուղղված կոնֆլիկտի, սպառնալիքների կամ գործողությունների աղբյուրներից, որոնք վնասում են բարիդրացիական հարաբերություններին և վեճի խաղաղ կարգավորմանը», - ասել է Անդրեևան՝ մեկնաբանելով Թուրքիայի գործողությունները Կիպրոսի բացառիկ տնտեսական գոտում:
Նա հայտարարել է, որ «ԵՄ-ն նաև նշում է անդամ երկրների՝ իրենց տարածքային ջրերում և օդային տարածքում ինքնիշխանությունը հարգելու անհրաժեշտությունը»:
Թուրքական նավատորմի նավերը ուրբաթ օրից արգելափակում են Saipem 12000 լողացող հորատման սարքը, որը հորատում է իրականացնում Կիպրոսի ԲՏԳ-ում իտալական ENI նավթային ընկերության համար, և թույլ չեն տալիս սարքին մոտենալ ԲՏԳ-ի համար 3 բլոկին և սկսել աշխատանքը:
