Իսկ եթե դա տեղի ունենա, ապա բռնվեք, քանի որ առաջիկա տարիներին շատ վատ է լինելու          Հայաստանի գլխին սև ամպեր են կուտակվում․ խաղեր են տալիս մերթ Արևմուտքի, մերթ ՌԴ հետ       Տեսանյութ.Ուշագրավ իրավիճակ Սյունիքի շուրջ. ինչու են դեսպաններն այցելում այնտեղ    

02 մար 2018 16:35

4-րդ դասարանի աշակերտն ինքնասպանություն է գործել

 4-րդ դասարանի աշակերտն ինքնասպանություն է գործել
Ադրբեջանի Զաքաթալայի շրջանի բնակիչ 2007թ. ծնված Հաֆիզ Նազիմ օղլու Մամեդովը, ով սովորում էր 4-րդ դասարանում, ինքնասպանություն է գործել:
Այս մասին հայտնում է ադրբեջանական azadliq.info լրատվական գործակալությունը:
ԱՊԱ լրատվական գործակալության փոխանցմամբ` դեպքը գրանցվել է փետրվարի 28-ի երեկոյան:
Մամեդովի դին հայտնաբերվել է իրենց տան բակում գտնվող փոքրիկ շինության մեջ կախված վիճակում:
11-ամյա Մամեդովի ինքնասպանության պատճառները դեռևս հայտնի չեն, ընթանում է քննություն:
Մեկ այլ շրջանում` Գյանջայում գրանցվել է ինքնահրկիզման դեպք:
Գյանջայի շրջանի բնակիչ 1983թ. ծնված Ասգերով Զաման Շամիլ օղլուն ինքնահրկիզվել է:
Տղամարդը տարբեր աստիճանի այրվածքներով տեղափոխվել է Գյանջայի հիվանդանոց:
Փետրվարի 27-ին Ադրբեջանի Սաբիրաբադի շրջանի Մորանլը գյուղի բնակիչ 1977թ. ծնված Հուսեյնով Վուգար Ալիֆաղա օղլուն ինքն իրեն դանակահարել էր: Տղամարդը տեղափոխվել էր Շիրվանի քաղաքային հիվանդանոց, սակայն նրա կյանքը փրկել չէր հաջողվել:
Ապշերոնի շրջանի Հոքմալի գյուղի բնակիչ 1962թ. ծնված Շըխահմեդով Ալիզադե Վեքիլ օղլուն իր տանը փետրվարի 21-ի լույս 22-ի գիշերն ինքնասպան է եղել:
Ադրբեջանում ամեն օր առնվազն մեկ ինքնասպանության դեպք է գրանցվում, լինում են օրեր, երբ ինքնասպանությունների թիվը հասնում է 3-4-ի:
Եթե հաշվի առնենք, որ սա միայն ԶԼՄ-ներում հրապարակված և պաշտոնապես հաստատված վիճակագրություն է, դժվար չէ պատկերացնել, որ իրականում ինքնասպանությունի թիվն ավելի մեծ է:
Փորձագետները մարդկանց ինքնասպանություն գործելու հարյուրավոր պատճառներ են նշում, սակայն Ադրբեջանում տեղի ունեցող ինքնասպանությունների գլխավոր պատճառներն են համարվում սոցիալական ծանր վիճակը, բանկերին ունեցած պարտքերը, խոսքի ազատության խիստ սահմանափակմամբ և կամայական չհիմնավորված ձերբակալություններով ուղեկցվող ժողովրդավարության բացակայությունը, ինչը մարդկանց մոտ սուր հոգեբանական խնդիրների պատճառ է դառնում:
Ադրբեջանում ինքնասպանությունների պաշտոնական վիճակագրություն չի անցկացվում: Այդ երկրի ԶԼՄ-ների հաղորդած տվյալներն էլ ոչ միշտ է, որ արտացոլում են իրական պատկերը:


Մեկնաբանություններ

Համընկնող լուրեր