Թրամփը հայտարարել է, որ մտավոր ունակությունների թեստ է հանձնել. առաջարկել է Ջո Բայդենին նույնն անել          Տեսանյութ.Փաշինյանի «Խաղաղության խաչմերուկը» տանում է տարածաշրջանային պատերազմի. Սամվել Բաբայան       Փաշինյանին եմ ներկայացրել Հատուկ Հանձնարարություններով Դեսպանի պաշտոնից ազատման դիմում    

27 ապր 2018 13:32

Վանաձորում ծեծի են ենթարկել Արթուր Սաքունցի 15-ամյա որդուն

Վանաձորում ծեծի են ենթարկել Արթուր Սաքունցի 15-ամյա որդունԵրեկ Վանաձորում տհաճ միջադեպ է տեղի ունեցել իրավապաշտպան, Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցի 15-ամյա որդու՝ Միքայել Սաքունցի և «Քաղաքացիական պայմանագիր» կուսակցության անդամներ ներկայացող մի քանի անհայտ երիտասարդների միջև։ Մասնավորապես, «12 աթոռ» սրճարանում այդ անձինք վիրավորել են Արթուր Սաքունցի որդուն, որից հետո միջադեպ է  սկսվել։  Հանդիպման ներկաները, սակայն, միջամտել են և կանխել ծեծը։
Ամեն ինչ սկսվել է նրանից, որ այս օրերին թափ հավաքած շարժումը, որը Վանաձորում հատկապես նոր որակ էր ստացել, վերջին օրերին Վանաձորի հարթակից հնչեցված տեսակետները, խոսքը էականորեն տարբերվում էին Երևանի հարթակից հնչող խոսքին։ Մասնավորապես, վերջին օրերին Վանաձորի հարթակից ելույթ էր ունենում՝ ով ցանկանար, անում էին այնպիսի կոչեր, թե գնալու են Բաքուն գրավեն, կամ վանկարկում էին «Սասնա ծռեր», «Ազատություն Սասնա ծռերին» և այլն։
Շարժմանը առաջին օրվանից միացած երիտասարդներն էլ այդ օրը հանդիպման են հրավիրել ՔՊ-ի Վանաձորի ներկայացուցիչ Արամ Խաչատրյանին, որպեսզի ճշտեն իրենց հետագա անելիքերը և առհասարակ  հստակեցնեն, պարզեն Վանաձորի և Երևանի հարթակից հնչեցվող ելույթների տարբերությունը, հակասությունները։ ՔՊ-ի Վանաձորի ներկայացուցիչ Արամ Խաչատրյանը հանդիպում է երիտասարդների հետ։ Արամ Խաչատրյանը գնում է սրճարան, որի հետևից սրճարան են մտնում նաև ինչ-որ անծանոթ տղաներ և ներկայանում որպես ՔՊ գրասենյակի անդամներ։ Մինչդեռ միջադեպին ականատեսներից մեկը մեզ պատմեց, որ նրանց երբեք Վանաձորում չեն տեսել։ Այն պահին, երբ երիտասարդները փորձել են Արամին ներկայացնել իրենց օրակարգը,  այդ տղաներից մեկը, իմանալով, որ Միքայել Սաքունցը Արթուր Սաքունցի որդին է, սկսում է միջամտել, թե՝ դու ով ես, այ տղա, դու պատրա՞ստ ես Բաքվի համար կյանքդ տալ և այլն։
Միքայել Սաքունցն էլ չի հանդուրժում վիրավորանքը և ձեռքի գիրքը նետում է նրանց վրա, որից հետո վիճաբանություն է  սկսվում, և այդ ինքնակոչ ՔՊ-ականները հարձակվում են 15-ամյա երեխայի վրա, որպեսզի ծեծեն նրան։ Սակայն հանդիպմանը ներկա մյուս երիտասարդները, «Լուսավոր Հայաստան» կուսակցության երիտասարդները պաշտպանում են Միքայելին և փորձում հարթել միջադեպը։ Ի դեպ, ականատեսը մեզ պատմեց, որ այդ տղաները վիրավորել են ոչ միայն Միքայել Սաքունցին, այլև շարժման մնացած ակտիվ մասսային՝ նրանց անվանելով ոչ ավանդական սեռական կողմնորոշում ունեցողներ միայն նրա համար, որ երիտասարդ աղջիկներից մեկի մազերը կարմիր են, կամ մյուսները տարբերվում են իրենց հագուկապով։
Միջադեպին ականատեսը մեզ պատմեց, որ դրանից հետո արդեն Արթուր Սաքունցը հրապարակում հանդիպում է իր որդուն ծեծի ենթարկած տղաների հետ, զրուցում նրանց հետ։ Թե ինչ են նրանք խոսել՝ հայտնի չէ, սակայն երեկ երեկոյան հանրահավաքին արդեն Երևանի հարթակից Նիկոլ Փաշինյանը խոսեց Վանաձորի և այլ միջադեպերի մասին՝ դրանք համարելով անթույլատրելի։


Մեկնաբանություններ


Համընկնող լուրեր