17:00 - Կունենք կարճատեւ շոգեր՝+37․․․+38 աստիճանի         16:35 - Պետական կառույցները մեզնից գնում չեն անում, խոշոր խաղացողներ են մտել շուկա. գուցե դադարեցնենք մեր հայկական դիմակների արտադրությունը      16:15 - Սահմանին կրակոցների թիվն ավելացել է. ՊԲ    

03 մայիս 2018 20:30

Կառավարությունն ընդունել է ամառային զորակոչ հայտարարելու և զորացրում կատարելու մասին որոշում

Կառավարությունն ընդունել է ամառային զորակոչ հայտարարելու և զորացրում կատարելու մասին որոշում 
ՀՀ կառավարությունն ընդունել է շարքային կազմի պարտադիր զինվորական ծառայության 2018 թվականի ամառային զորակոչ հայտարարելու և զորացրում կատարելու մասին որոշում: Որոշումն ընդունվել է գործադիրի մայիսի 3-ի նիստում:
Որոշմամբ հայտարարվում է 2018 թվականի մայիս-հուլիս ամիսներին Հայաստանի Հանրա­պետության արական սեռի այն քաղաքացիների շարքային կազմի պարտադիր զինվորական և այլընտրանքային ծառայությունների ամառային զորակոչը, որոնց 18 տարին լրանում է մինչև 2018 թվականի հունիսի 30-ը ներառյալ, ինչպես նաև այն քաղաքացիների, որոնց շարքային կազմի պարտադիր զինվորական ծառայության զորակոչից նախկինում տրված տարկետումը դադարում է մինչև 2018 թվականի հունիսի 30-ը ներառյալ:
Միևնույն ժամանակ, նախատեսվում է 2018 թվականի ամառային զորակոչի շրջանակներում զորացրել օրենքով սահմանված ժամկե­տում շարքային կազմի պարտադիր զինվորական կամ այլընտրանքային զինվորական ծա­ռա­յու­թյուն անցած զինծառայողներին, այլընտրանքային աշխատանքային ծառայությունից արձակել սահմանված ժամկետում այլընտրանքային աշխատանքային ծառայություն անցած ծառայողներին:
2018 թվականի ամառային զորակոչի կազմակերպման նպատակով կստեղծվի հանրապետա­կան զորակոչային հանձնաժողով:

Մեկնաբանություններ

Համընկնող լուրեր