«Ուղղակի չթողեցին». Արա Բաբլոյանը՝Փաշինյանին չշնորհավորելու մասին
Հանրապետականը մնում է իր դիրքորոշմանը՝ մենք պետք է անենք ամեն ինչ՝ հանուն մեր երկրի կայունության եւ ժողովրդի բարօրության: Այս մասին, այսօր՝ մայիսի 9-ին, Հաղթանակի զբոսայգում լրագրողների հետ զրույցում ասաց Ազգային ժողովի նախագահ Արա Բաբլոյանը։«Եթե կան քայլեր, որոնք ՀՀԿ-ն կատարում է, նշանակում է հանուն երկրի կայունության եւ ժողովրդի բարօրության է անում».-ասաց նա:
Հարցին, թե ինչու ԱԺ-ում Նիկոլ Փաշինյանի վարչապետ ընտրվելուց հետո չշնորհավորեց նրան, Արա Բաբլոյանը պատասխանեց. «Ես չշնորհավորեցի, որովհետեւ ուղղակի չթողեցին՝ ծափ տվեցին եւ իրեն հրավիրեցին»։
Ճշտող հարցին, թե պատրաստվո՞ւմ է դա անել, այսօր, ԱԺ նախագահը պատասխանեց. «Ես շնորհավորում եմ, որովհետեւ, ինչպես ընդունված է քաղաքակիրթ երկրներում եւ հասարակություններում, այո՛, մեկը մյուսին պետք է շնորհավորի»:
Նշենք, որ ՀՀ Ազգային ժողովի մայիսի 8-ի հատուկ նիստում կայացած անվանական, բաց քվեարկությամբ «Ելք» խմբակցության ղեկավար Նիկոլ Փաշինյանն ընտրվեց ՀՀ վարչապետ: Փաշինյանի օգտին կողմ քվեարկեց 59, դեմ՝ 42 պատգամավոր:
