«Ժամանակ». ՀՀԿ-ն փրփուրներից է կախված.արդյո՞ք ռուսներն ունեն մեռելներին հարություն տալու մոգական էլիքսիր
«Ժամանակ» թերթը գրում է. ««Ժամանակ»-ի տեղեկություններով՝ նախորդ օրը տեղի ունեցած ՀՀԿ ԳՄ նիստում նախկին վարչապետ Կարեն Կարապետյանի մասնակցությունը եղել է բավական խորհրդանշական:ՀՀԿ-ն իր ռևանշիստական նկրտումները այլևս կապում է ռուսական աջակցության հետ, և Կարապետյանը դիտարկվում է որպես ռուսական շահերի ներկայացուցիչը Հայաստանում:
ՀՀԿ-ի խնդիրն է ապացուցել ռուսական իշխանական շրջանակներին, որ Հայաստանի նոր իշխանությունը փոխելու է երկրի արտաքին քաղաքական կողմնորոշումը` Հայաստանը դուրս բերելով ռուսական ազդեցության գոտուց: Իսկ եթե Ռուսաստանը ուզում է Հայաստանը հետ բերել իր ազդեցության տիրույթ, ապա պետք է աջակցի ՀՀԿ-ին՝ օգնելով նրան վերադարձնել կորսված իշխանությունը:
Մնում է միայն պարզել, թե արդյոք ռուսները ունեն մեռելներին հարություն տալու մոգական էլիքսիր»:
Առավել մանրամասն՝ թերթի այսօրվա համարում:
