Տղամարդը ինը տարի շարունակ բռնաբարել է դստերը
Մոսկվայի բնակչին մեղադրում են 2000 թվականին ծնված դստերը ինը տարի շարունակ բռնաբարելու մեջ,– լրագրողներին այսօր հայտնել է Ռուսաստանի Քննչական կոմիտեի Մոսկվայի գլխամասի ավագ օգնական Յուլյա Իվանովան։«Համաձայն հետաքննության՝ մեղադրյալը ինը տարի շարունակ իր՝ 2000 թվականին ծնված դստեր նկատմամբ բռնաբարություն և սեքսուալ բնույթի բռնի գործողություններ է իրականացրել։ Օգտվելով երեխայի մանկահասակ տարիքից և անօգնականությունից՝ նա մշտական հոգեբանական ճնշում է գործադրել երեխայի վրա, վախեցրել և ստիպել է լռել այդ ամբողջ ընթացքում»,– ասել է նա։
Իվանովան պարզաբանել է, որ հանցագործության մասին իրավապահ մարմիններին հաղորդել է աղջկա մայրը,այն բանից հետո, երբ իմացել է այդ ամենի մասին։
Նա նշել է, որ 53–ամյա տղամարդը վախեցել է պատասխանատվությունից և թաքնվել է հետաքննությունից, սակայն նրան հաջողվել է բռնել։ Հարցաքննության ժամանակ մեղադրյալը մասամբ ընդունել է իր մեղքը։
