Ինքնաթիռում ճնշման անկման հետևանքով 33 ուղևոր է հոսպիտալացվել
Գերմանական Ryanair ավիաընկերության ինքնաթիռներից մեկում ճնշման անկման հետևանքով կտրուկ վատացել է ուղևորների ինքնազգացողությունը, ինչի հետևանքով հոսպիտալացվել է 33 մարդ: Ինչպես հաղորդում է Reuters-ը, ուղևորների ականջները սկսել են արնահոսել, նրանց մոտ գլխացավ ու սրտխառնոց է առաջացել:
Հայտնի է, որ ստեղծված իրավիճակում Դուբլինից խորվաթական Զադար քաղաք ուղևորվող օդանավը վայրէջք է կատարել Գերմանիայի օդանավակայաններից մեկում:
Նշվում է, որ օդանավում եղել է 189 մարդ: Ուղևորներից մեկի պատմելով՝ ինքը լսել է պայթյունի կամաց ձայն, ինչից հետո ինքնաթիռը սկսել է իջնել:
