ՌԴ բարձրացվում է կենսաթոշակային տարիքը
Ռուսաստանի Պետդուման առաջին ընթերցմամբ ընդունել է օրինագիծը, որով բարձրացվում է կենսաթոշակային տարիքը: Այս մասին հայտնում է rbc.ru-ն: Օրինագծին կողմ է քվեարկել 328, դեմ՝ 104 պատգամավոր:Օրինագծով 2019 թվականից սկսած աստիճանաբար տղամարդկանց կենսաթոշակային տարիքը 60-ից բարձրացվելու է մինչև 65, կանանցը՝ 55-ից 63:
Պետդումայի բյուջետային հարցերով հանձնաժողովի ղեկավար Անդրեյ Մակարովը նշել է, որ եթե կենսաթոշակային տարիքը չբարձրացվի, 2024-2026 թվականներին բյուջեից կենսաթոշակային հիմնադրամին լրացուցիչ 5 տրիլիոն ռուբլի պետք է փոխանցվի կենսաթոշակների ներկայիս մակարդակը պահպանելու համար:
