17:15 - Նիկոլ Փաշինյանը նոր որոշում է ստորագրել         16:42 - Տեսանյութ. Մոսկվայում ամբաստանյալը դատարանից առաստաղի միջոցով փախչելու փորձ է կատարել      16:23 - Ադրբեջանցի սահմանապահը կրակել է Վրաստանի քաղաքացու վրա    

19 հուլ 2018 20:34

Քննչական կոմիտեն թույլ է տվել «օրենքով գողեր» Շաքրո Մոլոդոյին և Իտալացուն հանդիպել

Հայտնի «օրենքով գող» Զախարիա Քալաշովը (Շաքրո Մոլոդոյ) 2016 թվականին այցելել է Ռուսաստանի Քննչական կոմիտեի Մոսկվայի Քննչական գլխավոր վարչության շենքերից մեկը՝ գերատեսչության բարձրաստիճան աշխատակիցների ծրագրի շրջանակում, որը վերաբերում էր նրա համախոհներից Անդրեյ Կոչույկովին (Իտալացուն) կալանքից ազատելուն: Այս մասին հայտնում է «Ռոսբալտ»-ը՝ վկայակոչելով իրավապահ մարմիններում աղբյուրին:
Նրա տեղեկություներով՝ այս փաստը հաստատվել է ՔԿ ՔԳՎ-ում կաշառակերության մի քանի դրվագներով քննության ժամանակ: Կոչույկովին ազատելու համար քննչական մեկուսարանից քննիչներին ընդհանուր փոխանցել են 1,5 մլն դոլար: Ուժայինների մտահղացմամբ՝ իրենք մեղմելու էին Իտալացուն առաջադրված մեղադրանքը, իսկ նա իր համախոհի հետ պետք է իրեն մեղավոր ճանաչեր, ինչը հիմք կդառնար խափանման միջոցը փոխել և ընտրել ազատազրկման հետ չկապված միջոց: Սակայն Կոչույկովը կտրականապես հրաժարվել է իրեն մեղավոր ճանաչել, և այդ ժամանակ նրան համոզելու համար քննիչները որոշել են դիմել Քալաշովի օգնությանը:
«Օրենքով գողին» հրավիրել են Մոսկվայի կենտրոնական վարչական շրջանի ՌԴ ՔԿ վարչության շենք, այդ ժամանակ այնտեղ հարցաքննվում էր նաև Կոչույկովը: Ինչ-որ պահի վերջինին թույլ են տվել միջանցք դուրս գալ, որտեղ նրան էր սպասում Քալաշովը: Նրանք խոսել են, սակայն դրանից հետո էլ Իտալացին իր դիրքորոշումը չի փոխել: Արդյունքում քննիչներն ուղղակի նրա կալանքի ժամկետը չեն երկարացրել, սակայն մեկուսարանից դուրս գալուց անմիջապես հետո Կոչույկովին ձերակալել են ԱԴԾ աշխատակցները:
Մարտին Քալաշովը, որը համարվում է Ռուսաստանի հանցավոր աշխարհի առաջնորդը, և Կոչույկովը շորթման գործով երկարաժամկետ ազատազրկման են դատապարտվել: 


Մեկնաբանություններ

Համընկնող լուրեր