Պոմպեո. Թրամփը եւ Պուտինը Հելսինկիի գագաթաժողովում համաձայնության չեն եկել Ուկրաինայի հարցով
ԱՄՆ-ի եւ Ռուսաստանի նախագահներ Դոնալդ Թրամփը եւ Վլադիմիր Պուտինը ընդհանուր առմամբ համաձայնության չեն եկել Ուկրաինայի իրավիճակի հարցի կապակցությամբ: Այս մասին, ՏԱՍՍ-ի հաղորդմամբ, Ավստրալիայի ABC ռադիհեռարձակման կորպորացիային պատմել է ԱՄՆ պետքարտուղար Մայքլ Պոմպեոն, հարցազրույցի տեքստը չորեքշաբթի տարածել է Պետդեպարտամենտը: «Նրանք խոսել են Ուկրաինայի մասին: Այս թեմայի վերաբերյալ նրանք շատ հարցերում համակարծիք չեն եղել: Նախագահը հստակ նշել է, որ աշխարհը «Մինսկին» առաջընթացի համար ճիշտ ճանապարհ է համարում», - ասել է նա:
Պոմպեոն ուշադրություն է դարձրել նրան, որ երկու առաջնորդների բանակացությունների ընթացքում եղել են նաեւ այլ բազմաթիվ հարցեր, որոնց վերաբերյալ նրանց տեսակետները չեն համընկել:
«Բազմաթիվ թեմաներ են եղել, որոնց վեաբերյալ ԱՄՆ-ի եւ ՌԴ-ի տեսակետները չեն համընկել եւ շատ կարեւոր էր, որ ղեկավարները դրանք քննարկել են», - նկատել է պետքարտուղարը:
